Cikciang ka geiah kua hong pai dinga, ka lawm masa pen ding kua ong hi mawk tam cia ka ngaihsutsut laitak in ka Kofi dawnna College Canteen sungah nungak puanvom silh khat hong lut ka gaalmuh hi. Sabuai dang teng ka et phei leh mite a lawm a gual teng uh tawh holim khomin nuam takin na ciak ziahziah uh a, kei tutna sabuai ah kei bek hi in kiholimpih ding khat zong ka nei kei hi. Hih pen gam dang namdangte gamah pilna sin a sang ih kahcil a nop lohna khat ahihi. Himah taleh ih gam Kawlgam, ih lam kiatna Zogam ah pilna sinna sang a om pong hangin kumpi hoihlo ahih mah bangin gualtung tuanna ding ciang khop a pilna sin theihna sang khat zong om lo ahihman in ut in ut ta kei lehang it pen ngaih pen teng nusia in mite gamah pilna siamna ih tawk loh hong kiphamawh hi. Tua teng peuh ngaihsunin ka tut tut laitakin ka nungak muhnu in Counter pan Kofi hai khat a lei tawi phei kawmin ka gei ah hong ding a mangkam ciil takin "Nang bek maw? Kei hong tu leng nawngkai nong sa lua dia lawm?" hong cih ciangin kei zong maitai takin "Kei bek hing e, na ut naak leh hong tu ve" ka cih khit ciangin amah zong hong tusuk hi..
Lam Thang
0 comments:
Post a Comment