0
Zomi Innkuan USA

Executive Committee



Thupulakna (Press Release)

March 16, 2015



Global Zomi Idol Lasak Kidemna Pawi



Kawl gam Yangon khuapi a bulphuh, Zomi Music Uplifting Society (ZOMUS) kipawlna pan Central ZOMUS Committee in leitung gambup a om Zomi-te Lasak Kidemna “Global Zomi Idol” Pawi khat bawl dingin vai hawm uh a, a innteek dingin Zomi Innkuan USA kipawlna hong cial uhhi. ZIUSA kipawlna Executive Committee in Pawi innteek dingin sangkhin a, Pawi Tanu ding leh Pawi tawh kisai thu leh late avaan dingin ZIUSA Music Department – Global Zomi Idol Committee tung ah vaipuak/mawhpuak kiguan hi.



Innteek ZIUSA GZI Committee in Pawi bawlna ding vai tawh kisai thu leh late Central ZOMUS Committee tawh kithuza in limtak in kikupna abawl khitciang in, anuai a thute Executive Committee tung ah hong ko uh hi. ZIUSA Executive Committee in hih thute leh mabante kithukimpih a, Pawi Ni tawh kisai in ZIUSA Board thukhensatna kila hi.



GZI Lasak Kidemna Pawi tawh kisai Thukhensatna leh Thukimnate



1.         Global Zomi Idol Lasak Kidemna Pawi tawh kisai Thu leh La khempeuh ah innteek ZIUSA GZI Committee leh Central ZOMUS Committee kikumkhawm in, vai hawmkhawm ding hi.

2.         GZI Lasak Kidemna Pawi tawh kisai thuvaanpi/thusapi (Spokespersons) dingin Central ZOMUS Committee pan Rev. Suan Khan Lian (Taang Lungtup) leh Rev. Sian Za Lal (Zogam Lalpu) hiding a, innteek ZIUSA GZI Committee lam panin Rev. Kap Khan Mang Hatlang (Taangko) hiding hi.

3.         GZI Lasak Kidemna Pawi pen July 3~4, 2015 (Friday~Saturday) ni, Nitak hun sung tengin Tulsa khuapi ah kibawl ding hi.

4.         GZI Lasak Kidemna sung ah Thukhen (Judges) dingin Central ZOMUS Committee in acialsa ulian thum teng kithukimpih a, innteek ZIUSA GZI Committee in Thukhen nih cialbeh ding hi.

5.         Central ZOMUS Committee in Zogam sung ah Zomi Idol Lasak Kidemna abawl/makai masa pen ahi, Rev. Tuan Khan Mung zong GZI Committee sung a panmunlen dingin acialbehna dingun kithukim hi.

6.         US gam pan Zomi-te tang’in GZI Lasak Kidemna ah alut dingin 2010 kum, 2012 kum leh 2014 kum a Zomi Idol USA angah lasiam lia leh taangte kikipsak hi.

7.         Pawi hun kaal khat sung teng, GZI Lasak Kidemna ah akidem dingin mun tuam gam tuam pan ahong kah Lasiam lia leh taangte, Tulsa khuapi a Hotel minthang khat ah zin kitungsak ding a, annek tuidawn kivaak ding hi.

8.         GZI Lasak Kidemna ah a kidem dingin gamdang pan US gam ahong zin ding gam tuamtuam pan Zomi Idol lasiam lia leh taangte, ZIUSA kipawlna in US Visa kingetsak ding hi. US Visa ngetna dingin a kisam thu leh late, April kha beima in ZIUSA kipawlna Makaite tung ah ahong puakna dingun kingen hi.

9.         GZI Lasak Kidemna Pawi innteekna ding akisam sum leh paaite ngah theihna dingin anuai a bangin kizong ding hi.

(a)        Kaamsinna tawh Thapiakna (Lucky Draw) kibawl ding a, Tha (Ticket) khat ciangin $5 hiding hi.

(b)        Lucky Draw Prize pen anuai a bangin kipia ding hi:

(i)          First Prize: Samsung Curved Screen 55” Smart TV khat

(ii)        Second Prize: iMac Computer khat

(iii)      iPhone 6plus khat

(iv)      A tuamtuam

10.     GZI Lasak Kidemna pan lasiam penpen Khatna Nihna Thumna ngahte pahtawina pen Central ZOMUS Committee in pia ding hi.

11.     Innteek ZIUSA GZI Committee in GZI Lasak Kidemna hun sung khempeuh ah Music atum ding Musician-te cial/vaan ding hi.

12.     Central ZOMUS Committee lam panin GZI Lasak Kidemna Pawi tawh kisai thu leh la avaan ding GZI Committee khat atuam in ahong kisehna dingun kingen hi. Hih vai pen Central ZOMUS Committee tung ah kinga hi.

13.     Innteek lam pan GZI Lasek Kidemna Pawi tawh kisai thute ZIUSA GZI Committee in a hun zui in hong taangko ding hi.

14.     ZIUSA GZI Committee leh Central ZOMUS Committee panmunlente minkhumna laimaikik ah kisuang hi.







Executive Committee

Zomi Innkuan USA



Tulsa, Oklahoma.

March 16, 2015









Zomi Innkuan USA

Executive Committee



Thupulakna (Press Release)

March 16, 2015



Global Zomi Idol Lasak Kidemna Pawi



ZIUSA GZI Committee

1.    Rev. Kap Khan Mang, Chairman

2.    Pu Thang Do Hang (ZIUSA EC, Music Secretary)

3.    Pu Tual Sawm Lian (ZIUSA EC, ZIOK Chairman)

4.    Sia Benjamin Lianpi

5.    Sia Thang Khan Suan (Suanno)

6.    Sianu Suan Ngaih Lun (Suihlun)

7.    Sia Biak Tung (ZOMUS Tulsa)

8.    Pu Go Sawm Khup (Ex-Officio)

9.    Dr. Do Khan Khup (Ex-Officio)



Central ZOMUS Committee

1.      Pu Pau Lun Min Thang                 : President

2.      Rev.Dr. Sian Za Lal                      : President

3.      Sia Thang Sian Khai                     : Vice President

4.      Dr. Tual Lian Tuang                      : Vice President

5.      Rev.Dr. Suan Za Khup                 : Vice President

6.      Rev. Suan Khan Lian                    : General Secretary

7.      Stephen Gin Lal Mang                  : Asstistant General Secretary – 1

8.      Pastor Zam Khen Khai                 : Asstistant General Secretary – 2

9.      Rev. Sangpui                                 : Treasurer

10.  TL Zamnu                                     : Assistant Treasurer

11.  Nu Nu Toih                                   : Accountant

12.  Sia Daniel Thawng Khan Lian      : Auditor

13.  Siama Niangpi                               : Auditor

14.  Sia Gin Suan Cin (Cinpi)              : Music Director

15.  Pastor Sangpi                                : Vocal Director


Post a Comment

 
Top