ZRA leh PDF Zoland tangthu
ZRA aom zawh kum 30 kim sawt simta, Zomi Federal Union ( ZFU) 30 March 2021 in hong dingin, a galkap minte Zomi Federal Army ( ZFA) acih pen 31 May 2021 in People Defence Force ( PDF Zoland) in laih uhhi. Ahangin a puten hua hun lai pek in Zomi cih deihlo khin hi.
Camp halsak
ZRA-E ten PDF Zoland te Camp khat ahi Kenney Camp ni 16 June 2021 in mei tawh halsak uh hi. Ahangin ZRA ten Zogam ah Thau tawi khat bek omleng hoih ding hi cih genpih den uh aa, tua agen pihna thute uh CNA kiangah thu puak den uh ahih manin, ZRA ten a Camp uh ah pai in, thu a hilh uh hi. That nuam uhleh amau khut sungah aom khin ahihi.
Ki lemlohna khang
ZRA ten PDF Zoland te Camp ahal sakna uh pen lungsim niam khiat in ki lemni cih lamin pailo, Kawlte Media tuamtuam ah huh ngetna lampi hoihhi cihtawh thu na pai leuleu hi. Tua panin ki lemlohna hong om toto hi. Tua huhau in supporter ding zonnop hong sa pianta uhhi.
Moses Kim Tuang sihna
Zogam Charter laibu te Tedim, Tonzang ah a hawm khia dingin motorcycle tawh Kawlpi panin paito aa, Taingen leh Hiangzing kikal ah, 29 Nov 2021 sunin PDF Zoland leh CDM Siyin ten thusit in, avanpuak Zogam Charter laibu, a motorcycle tawh man khawmin, CNA te kiangah puak uhhi. A tomin Moses Kim Tuang pen CNA te leh aki pawlpih ten meitawh hal in, a lu tansak uh aa, aluang apiak khiatni zong, a lu lam pia khia lo uhhi. Gal aki mat ciangin Gallu ki tanin ki pua hi acih dan ahihi.
Cin Sian Sum sihna
Moses Kim Tuang ki mat a sawtlo ni 3 khit ciangin, PDF Zoland Galkap makai Zomi a vei mahmah Cin Sian Sum hong tai khia pah hi. ZRA te omna lam ah tainuam in, Tedim a inn ah giak ngamlo in, a sanggamnu inn a giahna ah 4 December 2021 in mel ki tuamsa ten Thau tawh kaplum uhhi. Ki kaplumlo hileh Moses Kim Tuang thu a vekpi in ki tel sitset kha ding hi.
Guasing khua ah kikapna
16 December 2021 in ZRA Galkap te Guasing khua ah a giah laitak in, CNA leh PDF Zoland ki pawl in, Buluh uh aa, kikapna piangin ZRA te si samlo uhhi. A buluh lam te nih si ci hi. Ei leh ei sihzah dongin ki do na, Kawlgam sungah a masa penpen tangthu ciamteh thamcing ahihi.
ZRA-E leh PDF Zoland te khat ah na ki gawmzawh dinguh baih nawnlo ding hi. Ahi zongin ki do het kei unla, thu kikum thei in, na nih un Zogam sungah suakta tak in, om lecin uh hong deihsak ing. MAL a ut ten thautawh kap, a utlo ten kaplo hilel in, namdangte tungah i nampihte thusia tuntun kei lecin uh, mailam saupi adingin hoihzaw ding hi. Namdangte kiangah Zomi vai thu leh la ahoihlo aomleh tun hetlo in, om lecin uh na dau uh paizaw ding hi.
Pu Zo Khup
Zomi Independence Army Facebook page panin aki la ahihi.
Post a Comment