728x90 AdSpace

Latest News

GET UPDATES

Ci ( Matt 5:13)


(1) Ci in a limna kizelsak hi. 
Thu-um mite in, i sansa Gupkhiatna Thu mi khempeuh theisak in, tua Lungdamna Thu ii a limna mi khempeuh lakah kizelhsak ding ahi hi.

(2) Meh al lua leh(ci al lua)ci-in ci' min kilo nuam se a, meh lim leh lah ci min kilo loin, meh lim si e, kici zel hi.

Thu-um mite' nahoih sepnate a kiphawksak lo tampi om a, a hoih lohna tawmcik khatte uh bel ki lim muhsak mahmah thei se hi. I nahoih sepnate ah i min kilolo ta kei leh, Topa'n hong theihpih gige cih i tel ding kisam hi. I hoih lohnate hong kigen ciangin zong, ahi mah ding hi, keima hoih lohna hiven, cithei-a, lungkia thanem tuan loin ahoih lamlamah mainawt semsem a, i vaipuak i zawh ding(i tavuan i kyii) ding kisam hi.

(3) Ci in kihuatpih neilo hi. Meh teh mehgah namkim tawh kipawl khawm thei hi.
Thu-um mite pen, mi khawng mudah velval, mi khawng langpan den cih dan hi lo dinga, mi khempeuh tawh kiho thei-in kipawlkhawm thei ding hi.

(4) Ci pen a minhakte a min baih nading, a muat thei ding pawlkhatte dal nading leh gilkialte gilvah nadingin kizangh a, tha neilote tha dimsak hi. 
Thu-um mite pen, kha thanem mite, lungkham sinkham mite leh siatna lam manawh in lampial lamkhial mite tungah itna leh lainatna takpi nei-a, lampi maan lakin Topa' kiangah amaute a ciahpih dingte ihi hi.

Khazih sungah, David Tuang

  • Blogger Comments
  • Facebook Comments

0 comments:

Post a Comment

Item Reviewed: Ci ( Matt 5:13) Rating: 5 Reviewed By: Thang Thawn Tuang Guite