Khangno khat hi buang sam a!

Khango thahat khat hi buang sam cin a, 
Sepkhiatna sangin lupna tungpa'n thawh khiat nuamsa zaw,
Phone sum sangin Phone bethali tam ciansak zaw den,
Hanciamna sangin niikten puansilh a thupi sak zaw,

Gual tungtuan sawm lo mi neihsa eng den nuam zaw,
Neuciil a kipan nulehpa te pum vaak hi den,
Zi nei pong napi zite mah in vaakto zel,
Teek khit guai khit ciang zong tulehta te hong vaak ding maw!
Mi neihsa bek khantawn neek den ding sawm na hiam aw?
Khanglui vai lua cih tawh mite zahko den,
Kizep siam lo khat daipih ngam lo dep!
Mai zum lo na hiam na mailam khimkhua zing sa ingh,
Na tu na tate mi neih eng sak den nuam na hiam?
Khutdawh ngen a vaak ngei lo tuan pupate,
Hanciamna leh thuakzawhna thupisak a,
Innkuan sung leh mimal nuntaakna ah,
Midangte neihsa tung a kinga ngei lo tuanpupa te'n,
Nang suahma in ih Zolei nun in nuam sak uh hi.
Lunglau ken Zomi khangno tuailaite aw,
Tuan pupa te khekaap mansuah kei ni!


......Francis Lamthang (Zomi Quavadis)....


-- 

Patriotism means to stand by the Country. It does not mean to stand by the president or any other public official. - Theodore Roosevelt.