Gam le Nam khat api cin theihna ding Makai leh Nungzui nasep bang teng hi ding cih kihilh ngeilo ihih man in Kaapkaap ding ihiam? Nuinui lel ihihiam?
*Ki kaapkaap sak in kimakaih a, kinuinui sak tawh hun beibei sak makai ihi hiam? Nungzui ihi hiam?
*Tua bang hun sung in gampua minamdang te bang tawh kimakaih in bang te tawh kinung zuih in om ahi hiam?
* Minam ading hong pia piakkhong pen Kumpi pa hong piak ahih leh minam in anuntakpih piakkhong ding in nuihuai hiam? Kaahkaah huai hiam?
* Hong kipia khong Kampau leh Lai Ngei na in nuntakna hiam? Gu ahi hiam?
* Kiukk na ah District ciang kitun lo, kipialo ihih leh Kaapkaap ding maw ? NuiNui ding?
* Kawlgambup kiteelpi ding kha sawm hun sung bek om ahih leh Abeisa kiteelna tawh kituak thu nei leh milian Zalian te in bang teng sem Kaap huai lai maw? Nuih huai zaw?
*Tedim Sakolam sang pi abeisa hun in nuihna ahi a, Tu in khasia sak in Saangpi akaapkaap sak mipil, MP, thunei kua teng hi peuhmah ahi hiam?
* Laaltin mei de kiaukiau tawh mipil misiam Diamond lukhu nelkai akhu kha te in Tedim anuinui sak hiam? Akaapkaap in koih ahihiam?
* Pilna sang pipi itun hun hun tek Tedim sang minamdang lak ah Theology, Technology Sang hon ding ikidem ngeingai pen Leitung minam dang mipil khinsa te nasep na en kik leng .. Tua mipil tee'n Saang ahon uh pen namdang lak ah hong zaw hiam? Aminam leh agamsung ah hong zaw hiam?
* Tedim ah College le University ahong ding in Minam dang te hiam? Zomi mipil miciim te hi zaw hiam?
* Minam it taktak te in Mundang gamdang, Midang lak ah College , University, leh Party, Development tuamtuam plan nei zaw hiam? Abei kineih hizaw hiam? Tua ahih leh Ei akoi ci dan nasep hi ding hiam?
*Gampua ah aom Zomi te amun leh agam zui in Nopna , Dahna ki uap tek uh hi napi'n Kawlgam ah abang cih dan in ZYA, ZRDP, ZDF, GZA, kiphung vuhna kiza ngei nailo ahih leh Kaapkaap ding maw? NuiNui ding..
Hau Thang
Post a Comment