728x90 AdSpace

Latest News

GET UPDATES

The First Trinity Board Club (2014 Mangpha Khaakna)

Mipih sanggamte,


Nung-in ka' zawlpa Thein Thang-tawh Pasian' thu theih sunsun kikupna kahong neih-tawh kizom-in, "tukum mangpha khaakna beek-in" ci-in hong zomsuk pak-ing. "Upna maan-hi, khial-hi" cihpen Thukhenna Ni ciang-in kithei panding cilel phot nihang!


"Ka' upna banghiam?" cih atheilo zatam laai-ah athei-nuam I-om khaakleh cihna hi-a, athei-nuamlo, theihzong kisam asalote-in telsiamtak-in hongna delete sak un ci-in kahong thuum masa-hi. (argument I-bawlleh upmawhthu, thuleengsawn peuh-tawh hikei henla, malmat kicianmah hileh laisim khempeuh-in theihna kibehlapna suakbek dinghi; English kammal kong zat zeuhzeuhte kisiamsakna hilo zaw-in ei' pau-in gelh lehang kuamah'n theilo zawsop ahihman-hi).



Symbol of Trinity


Anuai-a THEORY-pen 1825 kum-in

the First Trinity Board Club pan-in

hongki suai (formed/create) khia ahihi. 

England Mathematic siampi lah-ahi, 

Thukhaamsiampi (lawyer) khat lah-ahi,

1878-1905 sung Cambridge Trinity College-ah

mapangpi khat lah-ahi, Pentacle Club akici

Mitphial tualpawl (Magic Society) aphut pipa 

Walter William Rouse Ball mah-in First Trinity Board Club

min-tawh hong gelhkhiat-uh ahihi. Mitphialsiampipa' gelhpen 

kizangh tosuak-hi............. anuai-ah en lehang:

 Hih Theory-ah, (English asiamlote' ading-in):


Pa - pen Tapa hilo-in asung-ah om
Pa - pen Kha Siangtho hilo-in asung-ah omTapa - pen Pa hilo-in asung-ah omTapa - pen Kha Siangtho hilo-in asung-ah omKha Siangtho-in Pa hilo-in asung-ah omKha Siangtho-in Tapa hilo-in asung-ah omPa-in Tapa vaangliansakPa-in Kha Siangtho vaangliansakTapa-in Pa vaangliansakTapa-in Kha Siangtho vaangliansakKha Siangtho-in Pa vaangliansakKha Siangtho-in Tapa vaangliansakPa-in Pasian hi-a, Pasian-in Pa ahihiTapa-in Pasian hi-a, Pasian-in Tapa ahihiKha Siangtho-in Pasian hi-a, Pasian-in Kha Siangtho ahihiAvekpi-a kigawm Pasian Khat ahihi.

Hihthu-pen Trinity thu-umte diakdiak-in theihding thupi mahmah khat om kasa-hi.


Hih Theory-in anuai-a Lai Siangtho kammalte nial-hi:


"[Hongsuak Naungek] Ama' liangko tung-ah ukna om ding-a; Ama' min-pen

Lamdang Tongkumpihpa (Wonderful Counsellor)
Athahaatpha Pasian (Mighty God)
Tawntung Pa (Everlasting FatherDaihna Kumpi Taangpaal (Prince of Peace) [Isaiah 9.6].

Paikhiatna 3.14: "Keimah-in Keimah Ka-hihi I Am Who I Am)". {Pasian' Min ahihi}.

Gospel John 8.24 ., 8.28., 13.19 "Keimah-in Keimah Ka-hihi (I Am Who I Am)". {ZEISU' Hihna}.


Isaiah 44.6., 48.12 "Keimah-in Alpha leh Omega Ka-hihi" {PA Pasian' Kammal}.

Mangmuhna 1.8., 22.13. "Keimah-in Alpha leh Omega Ka-hihi" {ZEISU' Kammal}.


Theory malsim 2- enlehang:


"Pasian-in Kha hi" acih-tawh kizuui-in Kha' sung-ah Kha Siangtho om cihding-pen angeina hilo-hi.  Kha Siangtho' sung-ah Pasian om cihpen Kha cih nungsang-in formless, sexless, invisible (limlehmeel neilo, muhtheihloh) ahihman-in theory-in uptheih leh sepsintheih nam hilo-hi. Hih theory-in Pa, Tapa leh Kha Siangtho-pen pumpi/alim (form/body) pum thum mah asuah ahihi.


Atung-a Trinity lim abawlpa-pen dawi-aai tawi-a mitphial siamte' kipawlna-ah founder hiliang zeel-a, hih Trinity upna-pen dawibiakna pan-a hong kipankhia hi thapaai pian mawk-hi.Constantine the Great-bangpen dawi leh milim biakna-a Siampi Ukpipa (Chief Priest) hi-a, Pasian' thu alungluut taktakte' ading-in lungngaih-huai mahmah ahihi. Phamawh I-sakkeilehbel hihciangmahding ahihi. Phamawh sa-a Pasian' thu alungngai mite mihampha taktak ahihi.


Dawimaangpa (Satan)-pen PASIAN' zom-a apil, athahaat, ameelhoih Vaanmi hi ngei-a, hotkhiatna angah mihingte' luahding Vaan Kumpigam naak tel mahmah ahihman-in hong haza mahmah-hi. Tua ahihman-in mihingte' lungsim-ah tua hong kumsuk, mihing ahongsuak PA-pen PA' Tapa ciang-tawh mihingte-in apomkip theihding muhkholhna-tawh hihbang-in pulaakna (introduction) hongnei-hi:


"Pasian' Tapa Na' hihleh...... suangtumte khomun suaksak inla.,

"Pasian' Tapa Na' hihleh ...... ki-kiasuk sak inla.,


Hih introduction-pen ZEISU-in PASIAN ahihna-tawh khuplet-a, mihingte-in ahihleh Dawimaangpa' introduction ciang-tawh kipsuak mawk-hi. 


Gadara Khua-a dawivei mi nihte' tungtawn inzong mite' tung-ah tua ZEISU-pen hihbang-in dawi-in introduction hongpia leuleu-hi:


"Pasian' Tapa-aw, bang hongcihnuam nahihiam? Hun tun maa-in hong gawtding-a hongpai nahihiam?" ci kiau se-hi. 


Hih introduction-pen lawhcing mahmah-a, leitung beidong hih saanna akhahsuah loding adim-aha-in om-hi. Dawi-in atheilo hi deklo-a, "Pasian-pen Mihing Suak-in Sihna thuakding, thokiikding" cih Pasian mahmah-in Kamsaangte' tungtawn-a agente naaktel lua ahih ziak-in, Pasian takpi-a akisaan khaakding adaalkholhna-in hih introduction hongzangh ahihi. 



Pawlpi khatle-khat thu kikhenna


Pawlpi khatle-khat thukhenna (kimawhsakna, kimaansakna)-tawh kizom, Constantine the Great hongkhan ciang-in Rome Khuapi-a Pagan Biakinnpi sung-a Sun God lakhia-in mihing' khut-tawh akibawl ZEISU' Lim hong guang-a, tua hun-a Christian makaaipi Sylvester-in nana saang (letkhaan)-hi. Ni Pasian lim maai-ah akuun-uhtawh akibang-in ZEISU' lim maai-ah kuun uhhi. Tua zom-a Asiangtho Nu' lim maai-ah zong kuun uh-a, hong kizom tosuak-hi. Hih-pen Trinitarian veve Protestant lehPentecostal upna-nei khempeuh-in "Milim maai-ah kuun" ci-in mawhsak uhhi.


Protestant leh Pentecostal upna-nei te-in "Milim Bia" bang-in Holy Church mawhsak napi-in, amau-zong mun citeng-ah singlaamteh phut-in tua' phung-ah Pasian a-om diakding bang-in kap ngaungau liang-in tua singkhuam zuutkeei, kawikeei liang-hi. Biakinn sunghiam, thungetna innsung-hiam, teenna innsung hiam-ah ZEISU' Lim bang-a aseh-uh Leonardo Da Vinci (1452 kum-a asuak)-in agelh lim-pen suang lemlam-in tua lim maai-ah thungen uh-a, amau' ciang-in "lim maai-ah kuun" bang-in kisehlo se-hi.


ZEISU' Meel-pen history context en taktak lehang tu-a Da Vinci' gelhbang hi khollo khading-hi, banghanghiam cihleh Jews ngeina-a "misiangtho"ding-a kihilna (sign)-tawh asuak nau-pen Nazirite kici-a, atung-a mul limlim kimeet lo ahihman-in sam apheek sitset vive ahihi. Tu-a na' muhpen modern hair style hi-a, phalh/khahkhia sak-in liangko khenglo-hi. Bangbang ahizong-in ZEISU' Lim hilo cihna ahihi. Hi phial mahleh mihing' khut-tawh kibawl ahihman-in amaai-ah kuunding Pasian' zaakdah penpen khat ahihi. 


Tua hileh, I-kimawhsakna khempeuh enkiik mahlehang amawhzaw tuan omlo-a, amaanzaw tuan omlo ahihlam kilangh-hi. Nu Siangtho' lim maai-ah zahtaakna piakna leh ZEISU' lim maai-ah zahtaakna piakna anihtuak-in kibang liinlian-hi, banghanghiam cihleh mihing' khut-tawh akibawl lim tuaktuak ahihi. Trinity Upna apom khempeuh thungetna-a Nu Siangtho minlawhna longaal akibang liinlian ahihi. Akibang hilel-in banghang-in kidang? Aziak om-hi. 


Keimah mimal' uplehsaanna-ah:


 PASIAN Khatbek om-a, tua PASIAN-pen Thuciam Masa' Hun sungteng PA, YAHWEH, JEHOVAH ci-in kisam-hi. PA-in Tate amakaih bang-in Israel mite makaih ahihman-in PA kici-hi. Moses' tung-a apiak thukhaam akicin sak nading-in Amah-pen Kha-in hong kumsuk-in Mary' Naubu sung-ah hong kithun-a (Kha Siangtho' ziak-in gaai), mihing hongsuak (GOD incarnated through Mary's womb - manifested in the flesh)-in Amin ZEISU kiphuak-hi. (Hih-pen St. Paul-in, "Kuama' nial theihloh...." ci-in 1Timothy 3.16-ah pulaak-hi
Amah mihing hihna dimtak-tawh kithat (Eloi, Eloi, Lama Shach Bakh Tani, acih-in mihing taktak ahihna kilanghsak)-in, PASIAN hihna dimtak-tawh thokiik-a, Vaankah khinzo ahihman-in Kha Siangtho hihna-tawh (hunbei dong-in Ka-hong ompih dinghi Matt 28.20b) hong ompih-hi.


Tua PASIAN-in kuama' theihloh min tampi anei-hi (John). ZEISU Khazih theihcianna lam-ah nana khangto un (Peter). Tua ZEISU-in abei ngei loding Kumpigam phut-hi (Daniel 2.44). Tua TOPA-in leitung buppi' KUMPI hiding-a, Ama' min taktak-tawh mikim-in tua Pasian thei-in abia dinghi (Zechariah 14.9). Amah-pen kumpite' KUMPI, topate' TOPA (John 17.14) ahihi. 


Kei' khamuanna hih THU ahihi. Khamuan taaklo I-sakleh I-saklohna kiciantak kihilh zeelni!



ZEISU' Daihna hongtung tahen!


Zokhai


_______________________________________

60 Narr-Maen Drive                                                            
Croydon Hills VIC 3136         
Melbourne, AU                   
Tel: +61 39723 0460                                      
Mob: +61 420 800 560                          

*********************************************** 


Src: Zomi Nam ~ zominam@yahoogroups.com
  • Blogger Comments
  • Facebook Comments

0 comments:

Post a Comment

Item Reviewed: The First Trinity Board Club (2014 Mangpha Khaakna) Rating: 5 Reviewed By: Thang Thawn Tuang Guite