Part I
1. Kum 1838 a France gam kidona -a Mexican General Antonio Lopez de Santa Anna nakpi takin liam a, a khe kitan hi. A khe pen gammithupi te vui bangin kiphum ngiat hi. Mexico khuapi ah Band Party tawh thupi takin a khe langkhat kivui hi.
2. Australia mi Adam Rainer mineu leh milian hikhawm hi. Kum 1920 a kum 21 a phak laiin ft.3 leh inches 10 bek pha napi khang vat in ft.7 leh inch 1 pha ziau hi. Kum 51 a phak in si in a sih laitak ft.7 leh inches 8 in sang hi.
3. Napoleon pen galkap hangsan leh lau neilo himahleh zawhngeu(cat)
lau cihtakin lau hi.
4. Ziatlam khut a zangte’n a ha veilam tawh ann hai uh a, veikhawi ten
taklam ha tawh ann hai uh hi.
5. North Vietnam President lui Ho Chi Minh nidangin London khuapi a
Carlton Hotel ah annhuan te’ sawltakin awm ngei hi.
6. Mihing za ah 17(17%) pen veikhawi ahi uh hi.
7. Queen Elizabeth I pen khuta bulh nai(watch) a nei masa pen ahi hi.
8. King Edward VII in Sandringam a- a inn ah a hawh(leengla) peuhmah a
gihna leh a sanna(weight&height) ciaptehsak hi.
9. China gam makai Mao Tse Tung in a ha nawt ngei vetlo hi. Sahang in
zong a ha a nawt lam thei ngei keng ci mawk hi.
10. Walt Disney in minute 2 hal ta in a khut sil hi.
11. Leitunga mi hau pawla kigen Aristotle Onassis kum 23 a phak in
Buenos Aires khuapi a restaurant khatah kuangsil hi bek lel hi.
12. Pope Benedick IX pen Pope khempeuh lak pan a naupang pen ahi hi.
Kum 1032 in kum 11 bek pha pan in Pope dingin kiteel hi.
13. Napoleon leh Hitler ten ciltang khat bek nei mawk uh hi.
14. Albert Einstein in mawza bulh ngei vetlo hi.
15. Kum zalom 18 hunlaia Russia gam Shuya khua nupi khat in ta 69 nei hi.
16. Leitunga nupi leh papi naupang pen China gam mi hi in kum 9 leh
kum 8 bek ahi uh hi. Kum 1910 in ta nei uh hi.
17. Leonardo da Vinci limsuaih Mona Lisa a lei masa pen France kumpi
pa Francis I ahi hi. Kisil na khan a khai dinga alei ahi hi.
18. Italy mi violin tum leh laphuah siam Giuseppe Tartini la ngaih
pen “The Devil’s Sonata” a music leh a aw khempeuh a mumang in mu
khawl hi.
19. Leitungah kilemna leh muanna a awm theih nangin India mi khat
Lotan Baba in kum 1993 in Bandage tawh a khuk leh kiu tuam in London
khua sung tai 3 a gamla ah ki lumkhuk hi.
20. Manchester a siampi khat rev. Geoffrey Howard in kum 1975 in
wheelbarrow sawn kawmin Sahara sehnel tai 2000 kantan hi. Ni 93 sung
tak pai zen hi.
21. Charles Creighton leh James Hagris te nupa in kum 1930 in Model A
Ford motor tawh New York pan a back in Los Angeles ciang pai uh hi. A
tai sungun motor engine sisak lo uh hi. Hih khua nih kikal pen tai
2462 in kigamla hi.
22. Kum 1900 in Austria mi Johann Hurlinger , Vienna leh Paris kikal
tai 870 a khe vantunglamah lam to in a khut bek tawh pai hi.
23. Antonio Gomes dos Santos zong kum 1988 in Lisbon Bazar ah tangvet
lo in nai 15 sung ding hi.
24. Harry Stevens kum 103 a pha khat leh Thelma Lucas kum 84 a pha
kum 1984 in kiteeng uh hi, upa tuak ngel uh cih ding hi.
25. Louis XVI leh Marie Antoinette te’ nupa in a kiteen ua kipan kum 7
dong sex zangkhawm lo uh hi.
26. China gamah nisim in nupa kawp 26,000 kiteeng om den dan in kituat hi.
27. Belgian kumpi Leopold II kum 1853 a Marie Henrietta tawh a kiteen
nang uah a cina ahihmanin kikhopna ah pai thei lo hi. Ama’ tang dingin
Austria kumpi pa sanggam Arch duke Charles ki ding sak hi.
28. France gam mi Fabien Pretou ft.6 leh inches 2 a sang in Natalie
Lucius ft.3 leh inch 1 a sang kum 1990 in kiteeng uh hi. Nupa sandan
kikim lo mah mah pawl hi kha unteh.
29. England kumpi George I in a zi Dorothea kum 30 sung jail ah khum
hi. A sih ciangin lungdamna lahna in Theatre ah drama en hi.
30. Kum 1976 in Los Angeles khua a secretary Jannene Swift in
suangtum kg 20 vala gik khat kumpi theihpihna tawh pasal dingin
nei(teenpih) hi. Mopawi ah mi 20 val paikhawm thei uh hi.
31. Kum 1980 in Brighton khua-a Harry Bidwell, kum 101 a upa in a zi
kum 65 khen vial hi. Kum 1984 in zong Wisconsin khua-a Simon Stern kum
97 mi azi Ida kum 91 in ciahsan vial hi. Zi/pasal dang a muzo lai zen
tam uh maw?
32. America gamah a taangpi thuin nupa kawp khat pen kum 9 leh kha 4
sanga tamzaw kiteeng zo lo in kikhen pah pah uh hi.
33. Virginia state a park ranger Roy C. Sullivan kum 1942 leh kum
1977 kikal in kek in sagih vei deng mah leh a khepi cin khat leh a
mitmul bek taan hi. Sihna dinga kilawm pan in tam veipi a sihloh
khitciangin kum 1983 in a lawmngaihnu in khen ahihmanin a lungsim na
lua in kiawk lum hi.
34. British Merchant Navy a seem Poon Lim leitung galpi nihna hunlai
in a tembaw uh torpedo tawh a kikap siat khitciang tembaw kisia themah
kiluai in ni 133 khitciang in kihonkhia thei pan hi.
35. Kum 1972 in Yugoslavia air hostess Vesna Vulovic Czechoslovakia
gam tai 6 a sanna pan a vanleeng uh DC-9 kia sukin Parachute lo tawh
tuak in cidam takin leilak tusuk hi.
36. Spain gam kumpinu Queen Juana kum 1906 a a pasal sihin a pasal
luang phum ding phallo hi. A pasal luang hankuangah koih in a paina
peuhah puasak kawi kawi hi.
37. Kum 1788 a Austria leh Turks te Karansebes a akido lai un Austria
galkap ten amau pawl mi 10,000 that uh hi. Zukham lua uh ahihmanin ki
haih gawp uh hi.
38. Kum 1836 a Mexico leh Texas galkapte’ kidona ah Mexican General pa
in a galkap te sunin tawldam takin ihmu sak hi. A ihmut laitak uh
Texas galkap ten tuak kha in minute 18 sungin a vek un lehheen khin
man uh hi.
39. Leitung kidona lian lakah kum 1896 a England leh Zanzibar kidona
sawtlo pen hi. Minute 38 sungin Zanzibar tembaw kap uha tui sungah tum
ahihmanin kidona a tawp hi ziau hi.
40. Kum 1571 a Battle of Lepanto kici ah Turks leh Austria galkap te
kido uh a, Turks ten thautang nein awn lo uh ahihmanin Autria galkapte
lingmaw pum khawng tawh deng gawp uh hi.
41. Madagascar kumpinu Queen Ranavolona in ama’ khua leh tui a mumanga
a muh khak peuhmah thah dingin thupia meng meng hi.
42. Aigupta kumpu King Menephta in Libya galkap te tawh a kido na ua
gualzawhna phawk tawntung nangin Libya galkap a thahte uh a
zang(penis) 1300 tak inn ah pua in ciahpih hi.
43. France kumpi Louis XIV a picin khit thumvei bek kisil hi. Lupna
413 nei in a vekin lumkim hi.
44. Kum zalom 18 na hunlai in Haiti kumpi Henry Christophe in a galkap
te kawl(kham)/ken ft.200 a sang ah tuak dingin thupia hi. Kumpi pa’
thumang khempeuh kialum uh a, thumang lo khempeuh kumpipa in thah
dingin thupia hi.
45. Kumpi Henry azi Anne Boleyn a ngawng a kitan laitak Tennis kimawl
dingin paikhia hi. Hot sawm khollo hileh kilawm.
46. Russia kumpi Peter the Great in azi Catherine ii’ lawmngaihpa
William Mons a lu tansak in kuang sungah zucil tawh diah hi. A zi
uilenu ahihlam a phawk den nangin a lupna kiang dawhkan ah sawtpi tak
koih hi.
47. Kum 1607 in Poland kumpipa Augustus II in ta 300 nei in tua lak
pan azi tawh a neih khat bek ahi hi.
48. China kumpi Shih Hu in pawi bawl nangin a khua leh tuite gou zel
hi. Nungakno te a sa limas diak hi. A ngawng tan in a sa meh dingin
huan zel uh hi.
49. George IV in a luppih numeite a samzang khatta laksak in envelope
ah thun zel hi. A sih ciangin a lupna khan ah tua envelope 7,000 om
hi.
50. Turkey kumpi Sultan Mustapha III in ta 582 nei in a vekin pasal
vive ahi uh hi.
51. Kumpi Genghis ii’tupa Timur the Lame in kidona ah a mi thahte’ lu
Polo Ball dingin zang hi.
52. Russia kumpi Ivan in Moscow khuapi a St. Basil biak Inn hoihsa mah
mah ahihmanin tua banga hoih akibawl kik loh nangin St. Basil Biak Inn
a bawl architect nih a mit khelkhiat sak hi.
53. Pope Paul III in khasum a piakkhiatna a ciaptehna ah numei
kizuakte min 45,000 tuang hi. Numei kizuakte khasum pia zel ahi mai
tam?
54. Kum 1471 in Switzerland gam Bastle khua-a akpa khat a tui manin
Pasian bawlzia palsat ciin court in convict hi. Ngia tuvun silh ci uh
a, hallum uh hi.
55. US President Eisenhower in zawhngeu hua ngiat ahihmanin a gamsunga
zawhngeu lut peuhmah thah dingin thupia hi.
56. Kum 1983 in Spain gam Seville khua ah Alsatian ui khatin nupi khat
ii’ bag khai laksak(sut) ahihmanin kiman in police ten vanguk thubuai
bawlsak uh hi.
57. Indiana state sung South Bend khua-ah zawng khat in za tep
ahihmanin jail ah sawtpi kikhum hi.
58. Kum 1857 in America galkap khat in Sakol khat sex zatpih ahihmanin
a nih un thah dingin thukikhen hi. A mipa taimang man ahihmanin a
sakol kikhailum hi.
59. New Zealand court tual lopa a pet bawngpi ni nih sung Jail ah kikhum hi.
60. Mihing picing khat luang kihalna vaap pen Kg nih leh a lang bang pha hi.
61. Leitung bupah nisim in amau leh amau kithat mi 1000 bang om den
hi. Monday a kithat tam pen banah khadang te sangin April kha sunga
kithat tam se hi.
62. Amau leh amau a kithat she thum suah she khat numei hi in amau leh
amau a kithah sawm she thum suah she khat pasal ahi uh hi.
63. Leitung bupah second khat sungin mi 3 pian beh den in mi 1.33 si
zel uh hi. Second simin mi 2 bang pung den cihna hi.
64. Roman Emperor Claudius a siavuan pa in a luak theih nangin akmul
tawh a dang a holh leh valh kha in sihlawh hi.
65. Nicolas Breakspear, Pope Aldrian IV pen Pope lak pan tho leeng
valh khakmana si a omsun ahi hi.
66. Radium mukhia pa Madame Curie pen Radiation hanga si masa pen ahi hi.
67. Kum 1985 in New Orleans Lifeguard te kumkhat sunga tuikia a omloh
lungdamin party uh hi. Nitak a ciah ding uh ciangin a lawm khat uh
muzolo uh in tui sungah a kia na hi gige hi.
68. Pope John XIII mi zi khat tungah bawkkhup kha ahihmanin a pasal
hehin that hi.
69. America gam sapel siam Marino Malerba in a sak suangtunga om Sazuk
a kap leh tuksuk in amah delhlum hi.
70. Alexander the Great zudawn kidemna ah kihel in tamdawn lua
ahihmanin sihlawh hi.
71. Viscount Parmerston billiard table ah nungak khat tawh sex a zat
laitak un a lungtang khawlin si dih dih hi.
72. Pope dinga kiteel lakah Stephen II bekin Pope sem lo hi. Pope
dinga a kiteelcin nitak 23rd March, 752 kum in si hi.
73. Pope Alexander VI in a cardinal te dawn dinga a koih tul dawn kha
ahihmanin sih lawh hi.
74. France President Felix Faure kum 1899 in Paris khuapi ah numei
kizuak khat tawh sex a zat laitak in si hi. A zang(penis) awk
ahihmanin Operation theatre ah kilakhia hi.
75. Edward zi Queen Eleanor in a pasal tul lauhuai in tuam cih a theih
tak ciangin a pasal citunga om tul tawpkhia hi. A pasal a si ding
kimlai honkhia mah leh aman sihlawh hi.
76. Czech nupi khat Vera Czermark in a pasal omdan a cimtak luat manin
amah leh amah kithah sawm hi. Prague khuapia a teenna inn that thumna
pan in a tuah suk leh inn nuai lama a pasal lampai lai deng kha sukin
a pasal si in amah silo hi.
77. Russia kumpi Csar Peter III a sihkhit kum 34 ciangin a hankuang
kihong kikin, kumpi lukhu kikhusak pan hi.
78. Tuma kum 4000 lai pek in Egypt ten siklumsa tawh sam kiilsak uh hi.
79. Kum zalom 16 na hunlai pekin Italy gam numei ten a ha uh colour
tawh zem uh hi.
80. French Philosopher Voltaire in ciangkhut 80 nei hi.
81. Phillippine President Ferdinand Marcos zi Imelda Marcos in
nawituam(bra) vom 500 nei in khat bang bullet proof hi deep hi. Khedap
zong bulh 3000 bang nei hi.
82. Designer Andre Van Peir in diamond bra bawlin India sumin Rs.
43,48,70,000 man hi.
83. Numei a tamzaw ten a nuntak sungun muknuh(lipstick) 2.73 kg zang
bei man uh hi.
Part II
1. Britain ah John Smiths cih min a nei mi 30,000 val om.
2. William the Conqueror in a khua leh tui khempeuh zan nai 8 sanga
zekai zaw loa ihmu dingin thupia.
3. Kum 1373 a England leh Portugal ten Anglo- Portuguese Treaty a bawl
uh tudongin kizang lai hi. Kilemna thuciam(treaty) lak pan upa pen
hi.
4. Kum 1649 in Oliver Crombell in Christmas zatding phallo in kham hi.
5. Britain gamsung pen tuipi(ocean) pana tai(mile) 74 leh alang sanga
gamlat zawkna mun om lo hi.
6. Britain gam bek postage stamp ah amau gammin tuang a neilo omsun hi.
7. Kum zalom 16 na hunlaiin Britain gamah pasal ten zan nai 10 sat ma
azi te uh vuak phalna Dan(law) om ngei hi.
8. Kum zalom 19na hunlai in Britain gamah amau leh amau kithah sawm a
lawhsamte kikhailum hi.
9. Britain ah mihing sangin ak tamzaw tham hi.
10. Minnesota ah vatawt luzangah pua kawma state gamgi a kante mat
theih ahi uh hi.
11. Maine kawngzingah khedap khau khih loa pai kikham hi.
12. Pennsylvania ah zite thukimpihna lai tawh loin zu kilei thei lo hi.
13. Nebraska ah kikhoplai tak naupang a sa-ik leh a nu leh apa kiman thei hi.
14. Texas state ah kheguak a pai ding peuhmah in special permit $5 bei
in lak masak kuul hi.
15. North Dakota ah khedap bulh kawma ihmut kikham hi.
16. Vermont ah mi khempeuh kaal khat in a tawm pen khatvei beek
kisil dingin Dan in kal(ngen) hi.
17. Rhode Island Province sungah nipini a toothbrush zuak phal hi lo hi.
18. Washington state ah hun sawtpi sung lollipop zuak, lei leh muam
kikham ngei hi.
19. Kansas state ah khutguak tawh ngasa mat Dan in phallo hi.
20. West Virginia ah sangnaupang a kam lo-uih nam peuhmah sang kikahsak lo hi.
21. Chicago ah Pyjama teeng kawma ngasa mat kikham hi.
22. Iowa ah minute 5 sanga sawtzaw kitawp kikham hi.
23. Lebanon ah pasal ten ganhingnu sex zatpih thei ciin Dan in phal hi.
24. Utah state sung Tremonton ah Ambulance a tuan laitak numei in
pasal a luppih ding kiphallo hi.
25. Illinois state sung Oblong khua ah mopawi cianga ngasa ben leh
sapel laitaka sex zat kikham hi.
26. Oregon state Willowdale ah nupa lupkop laitaka pasal in azi a tai
ding phal hi lo hi.
27. Greek khuapi Sparta a thupi laitak BC 400 kiim in Sparta khua leh
tui diktak 25,000 pha in sal 5,00,000 pha uh hi.
28. Kum 1865 February kha in full moon om lo hi.
29. Russia gamah kum zalom 17na dongin savun sum kizang hi.
30. Kum 1917 in Canada gam Wetaskiwin khua ah sakawl nu kiang naia
sakawlpa khih ding kikham hi.
31. Leitung galpi nihna hunma in Newyork Directory ah Hitler min anei 22 om hi.
32. Kum 1980 in Las Vegas Hospital a semte cinate’ sih ding hun
upmawh gen in sum kikhaam uh ahihmanin ki suspend hi.
33. President Theodore Roosevelt in White House kumthak zatna ah
nikhat sungin mi 8513 nouhset(cibai) hi.
34. US ah second 30 a cin simin thubuai (case) 1 ta om dan in kituat hi.
35. Leitung galpi khatna a pian tung lai khawngin US Airforce mi 50
khawng bek pha pan uh hi.
36. United States ah leitung a mihing 5% khawng bek teeng uh a,
ahizongin leitung a dan thei(lawyer) 70% ten US ah nasem uh hi.
37. Panama Canal bawlna ah mi 6,000 kiim si uh hi.
38. US ah Bible Laibu kikhawng pen ahi hi.
39. Antartica pen leitunga gul-leh thankik om vetlohna mun omsun ahi hi.
40. Egypt gama The Great Pyramid ah ft.10 sanga France gam kimkot
kulhcian theih nang suang kizang hi.
41. Tuma kum 450 Billion hunlai in South Pole pen tulaitaka Sahara
sehnel munah om ngei hi.
42. Africa khuamualpi ah Somalia gam bek pau namkhat bek zatna om sun
ahi hi, Somali pau zang uh hi.
43. Leitung bupah Sahara Sehnel gam sanga za zaw gam thum bek om hi
tua gamte; Russia, Canada leh China.
44. Singapore min a khiatna pen Humpinelkai khuapi(city of lions)
hinapi humpinelkai muh ding om lo hi.
45. Japan gama laibu kizuak khia 20% pen comic bu ahi hi.
46. Tokyo Sahuan kum khat in khanih sung kikhak den a, gamsate
tawlngak nanga kingaihsun ahi hi.
47. Kum 1883 a mualmeikang(volcano) gin ngaih mah mah in tai 2500 a
gamlatna pan kiza zo hi.
48. Mexico City kumsimin inches 18 in niam sem sem hi.
49. Chile leilu lam Atacama sehnel gamah kum 400 sung guah a zuk
ngeiloh hun om hi.
50. Sisan pia khin registration kician tak a neite Paraguay ah a ut
tan tam thei uh hi.
51. Kenya gama Mesai nam ten kicilsiat pen kizahtakna in ngaihsun uh hi.
52. Australia a Walibri nam pasal te a zang(penis) u tawh kinouhset uh hi.
53. Uganda leilu lama Caramoza nam pasal ten a zang uh a sau theih
nangin van khatpeuh a muk-ah khai uh hi.
54. Nepali numei ten a pasalte uh a itzia kilatsak nangin a khe uh
silsak in a tui dawn uh hi.
55. Eskimo papi ten mikhual a neih ciangun a zite utawh lumkhawm sak zel uh hi.
56. Leitung bupah kum simin ziin 5,00,000 vei bang liing hi.
57. Leitung bupin nisim in tui litre 54,31,000,000,000 zang bei zel hihang.
58. Nauru gam in khuapi(Capital) nei tuam se lo hi.
59. Leitung bup gamngaw 25% Siberia gamah om hi.
60. Kiteelna ah numei vote a khiasak masa pen New Zealand te-ahi uh hi(1893)
61. Australia gam Nullabor kuam tai tulsawm patle huamsungah sing mal
khat zong pou lo tazen hi.
62. Tuvalu gamah Tractor khat bek om kici
63. India gam in leitung gamdang khempeuh post office neihzah sanga
tamzaw post office nei hi.
64. Bulgaria leh Albania gamah lusuk pen “hi lo” cihna tawh kibang hi.
65. Second simin leitungbupah SMS teng nih val bang kikhahkhia hi.
66. Greek ten nupa lupkop laitak leilu lam pan huih a nun leh tapasal
nei dingin kingaihsun uh a, leitaw lam pan huih a nun leh ta numei nei
dingin kingaihsun uh hi.
67. Tuma kum 10 sungin Christmas Tree a tak tak sangin bawltawm
kikhawng zaw hi.
68. Washington DC ah US Parliament House, Capitol sangin a sangzaw
inn lam ding kiphallo hi.
Part III
1. A pasal in amah sang teddy bear 21 lunghimawh zaw ahihmanin azi
Surey nuakin ciahsan hi.
2. John Denver min diktak pen Jenry John Deutchendorf ahi hi.
3. Japan gama unau peng Kin Narita leh Gin Kanie ten kum 99 a phak un
Album hit mah mah bawl uh hi.
4. Madonna in New York a Fast Food Restaurant ‘Dunk Donuts’ ah a
seplai in customer khat Jam a meek leh kap kha ahihmanin kitawpsak hi.
5. Cyndi Lauper a minthan ma in a neekzonna uibuk(kennel) hahsiang ahi hi.
6. Ozzy Osbourne zong sawtveipi Birmingham gangawhna ah labour in om ngei hi.
7. Sylvester Stallone film ah a sep main Humpinelkai khumna bawm
hahsiang nasem hi.
8. Sandra Bullock in film ah a sep ma in zu zuakna ah zuhawm nasem hi.
9. India gambupah Cinema Hall 13,000 kiim om in nisim in mi15 million
kiim ten Cinema en den uh hi.
10. Kum 1879 in Iraq gamah Karate film lahding kikham hi.
11. Cleopatra film a limccingnu Elizabeth Taylor Juda biakna ah a
kipiak man in Egypt gamah tua film lah ding kum 15 sung kikham hi.
12. Paris film aki release khit a sawt lo in Paris khua sungah lah
ding kikham hi.
13. Plastic Surgery tawh kisai laibu masa pen kum 1597 in kibawl hi.
14. Laigelh siam Charles Dickens leilu lam nga tek tek in ihmu zel hi.
15. Mark Twain laibu ‘The Adventures of Tom Sawyer’ type writer tawh
tangthu gelh lakah a masa pen ahi hi.
16. English laigelh siam Lewis Carroll in a laibu a tamzaw dinsa in gelh hi.
17. Laimal khempeuh lak pan “o” upa pen hi. Laimal om cil BC 1300
kiima a omdan mah in tudong om lai hi.
18. English thumal lakah “set” kici in meaning tuam tuam hau pen hi.
19. Vowel om khaklohna English thumal lak pan “twyndyllyngs” sau pen
hi, peng(twin) cihna ahi hi.
20. Leitunga min tuam tuam lakah “mohammed” tam pen hi.
21. French Guinea a Taki nam te pau ah thumal 340 bek om hi.
22. English thumal lakah “queue” bek a laimal masa pen tawh a ging om
sun ahi hi.
23. Tulian in leitung bupah pau nam tuam tuam 6,912 val om kici.
24. Japan te pau ah YES leh NO genna om vet lo zen hi.
Part IV
1. Vawm nam khat Koala Bear nikhat in nai 22 sung ihmu hi.
2. Camel in ihmu kawmsa nangawn in khua mu thei hi.
3. Sathak nam khat Chamois nai khat sungin ft.13,000 a sang
mualdawnah kahto zo hi.
4. Minhing simloh in Saphulip bekin phaak natna vei thei hi.
5. Gamsa lakah Giraffe bek ki neisa apiang ahi hi.
6. Giraffe in a lei tawh a bil liak siang thei hi.
7. Zusa te Sangawngsau sangin tuidawn lo in sawtvei lampai zo zaw hi.
8. Sangawngsau a dangtaak ciangin minute 3 sungin tui litre 100 dawn thei hi.
9. Zusa ten tawlnga vet lo in tai langa gamla tui pek thei uh hi.
10. Sehnel gama Zusa ten nai khat sungin sex 122 vei zang man uh kici
11. Zusa nupa kawp khat in kum khat sungin suan leh khak 15,000 nei man uh hi.
12. Zusa neu(lemming) nu ten ni 14 a phak ciangun no nei thei ta uh hi.
13. Europe gama teeng masa ten Giraffe pen Camel leh Leopard kahbia hi
dingin ummawh uh ahihmanin Camel Leopard ci uh hi.
14. Australia gama zusavom nam khat antechinus pa te lanlua in a nu
mawhpih ding zawng thapai uh ahihmanin ann zong man lo uh a, gilkial
in si uh hi.
15. Sasial a ne ganhing ten kek denlup peuhmah ne ngeilo uh hi.
16. Zebra gial dan mihingte khutlam mah bangin aki bang om vet lo hi.
17. Sai pen ganhing khuk li nei lakah a diang thei lo omsun ahi hi.
18. Sai picing ten nisimin ek kg 23 bang tha uh hi.
19. Hippo(tuivok) a kamkat laitak a kamah naupang ft.4 a sang ding thei hi.
20. Cinghpi vun mihing’ vun zah sawm in sah hi.
21. Kangaroo te a mei uh leitawh aki sukkhak kei leh diang theilo uh hi.
22. Mihingte adinga birth control zatui kibawl ten Gorilla ah zong
nasem thei veve
23. Gorilla te a ihmutna ah ihmu kik cihbang om ngei lo hi
24. Bawngpi nawimuk pan in a nuntak sungin bawngnawi hai 2,00,000
kisuuk khia thei hi
25. Bawng ten a san (Red Colour) mu thei lo uh hi.
26. Moscow State Circus ten bawnghon Russian music tawh kituaka
lamsiam nei uh hi.
27. Sakol te dinsa in lungnuam takin ihmu thei uh hi.
28. Vok ten zong zu kham thei phuat vial uh hi.
29. Bak ten kuahawm sungah a lut ding uciang ki veiheek se uh hi.
30. Kum 1937 a Transvaal a tangtel namkhat microchaetus earthwork ft.22 sau hi.
31. Tangtel namkhat ribbon worm ten neek ding a nei loh ciangun amau
leh amau kine thei uh hi.
32. Humpinelkai pawlkhat ten nikhat sungin 50 vei bang sex zangman ci zen veh aw
33. Nidanglai in Egypt ten a zawhngeu uh a sih ciang a mitmul uh bawt
siang zel uh hi. Zawhngeu a that peuhmah pen amah zong that uh hi.
34. Texas a zawhngeu pi khat Dusty kici in a nuntak sungin no 420 nei man hi.
35. US ah naungek neite sangin zawhngeu no nei ten sum tam bei zaw uh hi.
36. Bible in mihingte gan vulh a genkhak loh omsun pen Zawhngeu ahi hi.
37. Gul namkhat Garter tetui ngeiloh uh a khatvei in no 85 bang nei thei uh hi.
38. Ukeng nam khat Arrow Frog in mihing 2,200 sihtheihna ding tul(gu) nei hi.
39. Sri Lanka ah guultuk hangin nisimin mi nih si zel uh hi.
40. Asia khawmualpi bekah Guulvankah om hi.
41. Leitunga miksi om khempeuh gihna kigawm khawm leh mihing om
khempeuh gihna sangin tamzaw ding ci zen ve uh aw
42. London sahuana guulngan(King Cobra) khat ft.18 leh inches 9 in sau hi.
43. India gama tham nih ten ni 180 sung sex zangkhawm thei uh hi.
44. Thaam bangmah ne lo in kumkhat nungta thei hi.
45. Sava namkhat secretary bird tai ngei lo hi.
46. Tuipi vasa lian albatross kha zap vetlo in ni nga sung leeng thei hi.
47. Ostrich pen a khuak sangin a mit lianzaw hi.
48. Mu nam khat Peregrine Falcon ten tai nga a gamlatna mun a om vakhu
mu thei uh hi.
49. Vatawt pen zingsang bek in tui hi.
50. Penuin vasa ft.6 a sang diang thei zen hi.
51. Tawlet man(window glass) phuk khak manin kumsimin vasa 10,000 bang
si den uh hi.
52. Vaki khat Prudle kici in London National Cage & Aviary Bird show
ah kum 12 sung vasa pau siam pen pahtawina ngah hi. Thumal 800 kiim
gen thei mawk hi.
53. Vasa a tamzaw in nisimin amau gihna zah lang bang ann a neek kei
ua leh gilkial in si ding uh hi.
54. Mu pen nai khata tai 60 bang hata leeng kawm in sex zang thei uh
hi, khatvei vei a laklawh laitak un phaksa in leilak khawng kidenna
thei uh hi.
55. Penguins vasate southern hemisphere bekah om uh hi.
56. Vakhu mul pen a guh sangin gikzaw hi.
57. Tui vasa nam khat Flamingo pen kum 80 bang nungta thei uh hi.
58. Hummingbird ten a ihmutloh ciangun nai lang hal in ann ne den uh
hi, ngawl le uh gilkialin si ding uh hi.
59. Dolphine khuak a phellang tuak a tawlnga kikhel hi, tuamanin
mihing banga ihmut hithiat cih nei theilo hi.
60. Squid mit mihing lu sangin lianzaw mah leh mihingsangin khua mu lo zaw hi.
61. Whale picing ten nisimin ann quintal 30 val ne zel uh hi.
62. Japan gama aisa lian spider crab a lu pan a khemuk dong ft.12 pha
in kg 19 bangin gik hi.
63. Awle te kum 100 bang nungta thei uh hi.
64. Blue Whale no suak tung pen Hippopotamus tawh a gihna kikim hi.
65. Dolphin bek ganhing lakah nawmsakna lunggulh mana sex zang ahi uh hi.
66. Tiger shark note a nu gilsunga a om lai un kilai uh a, a guallel
teng si in a gualzo omsun bek suak hi.
67. Inlawi pen a lu kitan khit kalkhat bang nungta thei lai hi.
68. Tho pen kalnih sung bek nungta uh hi.
69. Nitaklam naili hun pen ganhing ten tul(gu) a huat pen laitak ahi hi.
70. Khuai pa ten a kumpi nu sex a zatpih ciangin a penis kitan in sisuak pah hi.
71. Pasian bawlsa ganhingte lakah amau taksa liatna tawh kizui in
miksi te khuak lian pen hi.
72. Khuangbai ten a khuk u tawh khuaza uh hi.
73. Kumsimin gultuk hanga si sangin khuai deh hanga si tamzaw den uh hi.
74. Leitungah ganhingneu(insect) nam tuam tuam 8,50,000 om hi.
75. Kau ten a khe utawh a lim leh limlo thei thei uh hi.
76. Miksi te ihmu ngei lo uh hi.
77. Finland gama tak kungte a zung tai 30 bang pha hi.
78. Lotus tang(chi) pen a kiat khitbkum 3000 ciang po thei pan hi.
79. Kum 1421a ki lalut France gama Lingmaw kungkhat pen kum 473 sung gah hi.
80. South America a sing nam khat sandbox gah a min ciang puak in a
tang pen ft.50 kiimah kitheh thang hi. A puakging zong ngaih mah mah
ahihmanin a za ngeilo te bangin thaugingsa uh hi.
81. University of Sussex a researcher te gendanin singkung music a
tamzakte hoihtak in khang ci hi.
Part V
1. Leitunga maan kizaih masa pen kum 1826 hia, a zaihpa French mi
Nicephore Niepce ahi hi.
2. Nylon mukhia Wallace Carothers zong a van muhkhiat sumbukah aki
zuak ma deuhin guiawk(ki awklum) hi.
3. Meisah pen meigit sangin ki mukhia masa zaw hi.
4. Samsih pen kum BC 8000 hunlai pekin Scandinavia ah kizang khin hi.
5. Tuilum pen a vawt sangin gikzaw hi
6. Arabic number pen India gam pana kimukhia ahi hi.
7. Egypt te antibiotics zatui zang masa pen ahi uh hi.
8. Zana na ihmut laitakin na pumpi 0.3 inch in sau in zingsang na
khanlawh ciangin a ngeina bang kik hi. Bang hang hiam cih leh na ihmut
sungin guh leh spinal tawlnga uh hi.
9. Mihing gilpi sungah siktukilh a tuisuak sakzo ding hydrochloric acid om hi.
10. Naupangte khuakhal sungin hah khan se uh hi.
11. Mihing’ bill eh naak in khankhin cih bang om ngei lo hi.
12. Mihingte kum 25 a phak laitak hat pen a tua ciang dam dam in hatna
a kiam hi.
13. Mihing a tamzaw in a nuntak sungun Swimming pool 2 dim bang cilsia man uh hi.
14. Mihing picing khat ci tungah meigit 2200 bawl theih nading phosphorus om hi.
15. Mihing kamah leitung bup mihing sanga tamzaw bacteria om thei hi.
16. Mihing pumpi ah bucket thum dim bang tui om hi.
17. Mi bangle(mihai) te mi ngeina te sangin ham ngeilo zaw uh hi.
18. Mihing khutcin pen khecin sangin a zah li in khang hat zaw hi.
19. Veikhawi te sangin takkhawite kum 9 bangin sawt nungta zaw uh hi.
20. Numei sangin pasal colour blindness nei tam zaw uh hi.
21. Nuih pen excer hoih peuhmah khat in taksa in oxygen a zat theihna
khangsak hi.
22. TV et laitak sangin ihmut laitakin khuak in na naksep zaw hi.
23. Mihing ci tunga sisan zam khempeuh kizawm leh tai 62,000 sau pha ding ci
24. Numei ngo leh sampuang te a sam uh tam diak hi, sam
zang(mal)1,40,000 bang pha hi.
25. Mul khempeuh lak pan mukmul leh khamul khang hat pen hi.
26. Naungek suak tung lu pen a pumpi mun li a khen mun khat zah in gik hi.
27. May kha sunga nausuak te adangte sangin gram 200 bangin gikzaw uh hi.
28. Naungek ten a pian ma un mumang nei thei zen uh hi.
29. Nisuahna lam sangin nitumna lamah mi peng(twin) tamzaw uh hi.
30. Numei laka sang pen China gammi Yao Defen hi a, ft.7 leh inches 9 pha hi.
31. American minJon Brower Minnoch kum 1976 in Kg 635 in gik hi.
32. Clacton khuami John Roh in kum 1939 leh 1976 kikal a mukmul a
khawi leh ft.74 leh a lang pha hi.
33. India mi Shridhar Chillal in kum 44 sung a cin a khawi leh inches
52 pha man hi.
34. Norway mi Hans Langseth kum 1927 a a sihin a khamul ft.16 leh
inches 6 pha hi.
35. Ni pen leitung zah 3,30,330 in lian zaw hi.
36. Saturn tupi(ocean) ah kia leh tum lo in laam ding hi, upmawh sang
zang bilbel.
*N.Pautunthang*
*H/No.149, Kawlbem*
*Champhai District*
*Mizoram State*
*INDIA - 796290*
Post a Comment