728x90 AdSpace

Latest News

GET UPDATES

Zolia Zotaang kiteel hunteh mipi mai ah aki dong thei thu khelkhel


1. A Ha tawh apet masaksak ase khia bang? ( Sing at tem)
2. Akung tampi kingawm in gah khat bek anei bang? (Tuuktum,Samtum)
3. Asung tuisik , Atung saguh bang? ( Aktui)
4. Aneu lai puan engsilh, Agol teh Puansan silh bang? (Zasan)
5. Ata in anu taw holh ciang in Anu dakkhawng bang? ( Tawh/ Key)
6. Alu leh Ataw kibang ganhing bang? ( Tangtel)
7. An ne ngeilo, Tui dawn ngeilo zunhau mahmah bang? ( Thee)
8. Bil nei napi khua za ngeilo bang? ( Haai)
9. Mei phualpi tung ah Tui kivung, Tui tung ah sehnel bang? ( Taaksih ngan huan na)
10. Adeek pan akilu ganhing bang? ( Tui thee)
11. Abiang tuak savun, Alai ah singtumh bang? ( Khuang)
12. Adek zaang a anpua bang? ( Keu)
13. Kinene napi'n a bei theilo bang? ( Sikkeu)
14. Aluzang pan nausuak bang? ( Nahtang)
15. Khe li nei napi mei neilo ganhing bang? ( Uiphuk/ Ukeeng)
16. Ki bung bukhai sa in A ihmu bang? ( Baak)
17. A nu mivom , Ata mikaang bang? ( Buhsih beel)
18. A awm pan nene, Ael pan ek tha bang? ( Sing nawt na)
19. Lukhu khusa in suak, Lukhu khusa in si bang? (Pateh)
20. Nai et nuam tektek leng akimu theilo bang? ( I bil)
21. Leii leh Kam nei napi Pautheilo bang? ( Khe Dappum)
22. Liak leng liim napi' Haabak leng alimlo bang? ( Cii)
23. Khut le Khe neilo, alu tawh lampai bang? ( Laikung)
24. Adeek lampan sat leng Akap hanhan bang? ( Zaam)
25. Sing kung an in ne, Adaangtak teh Suang tung pan tuidawn bang? (Tem)
26. Sunhun daikhikhe, Zanhun in anzong bang? ( Namsiaa)
27. Saguh inn a, Anei bang? ( Sumkuang)
28. Unau tampipha Gilzangkhat nei khawm bang? ( Khii)
29. Unau nih Apeeng kimu ngeilo bang? ( Mit)
30. Ki tumlopipi aging bang? ( Van ging)
31. Sun leh Zan Nasep kikhel niloh bang? ( Nii le Kha)
32. Na khempeuh asuah apian khit teh anunung pen in apiang bang? (Ha pi)
33. Agah tungpan Akungpo bang? ( Lengthei)
34. Tuidawn zelzel napi'n Zun neilo bang? (Vasa leh Ak )
35. Apumpi Mit bekbek adim bang? ( Bawn, Seng, Ciang)
36. Bawlungcia pha vang sagih nei bang? ( Mihing luu)
37. An ne kawmkawm, gilkial in kapkap, nek masaksak tha khia pahpah bang? ( Patkol)
38. Aneu tungpan kikeem kikhoi Akhan ciang lungdam ko in kun ngiu ngeu bang? ( Buh vui leh Taang vui)
  • Blogger Comments
  • Facebook Comments

0 comments:

Post a Comment

Item Reviewed: Zolia Zotaang kiteel hunteh mipi mai ah aki dong thei thu khelkhel Rating: 5 Reviewed By: Thang Thawn Tuang Guite