728x90 AdSpace

Latest News

GET UPDATES

 Zomi Pupa' Innsung Innpua  

Sanggam mipihte,



Veina-tawh theihsunsun kikup neuhneuhna omzeel-tawh kituak-in, khangnote' theihding deihsak nengcik hong khutthak zeel-ing.


Zomi Pupa' Innsung leh Innpua lawhnate:


Pupate-in inn alam ciang-in Nisuahna lam nga-in lam-hi.
Innka-pen angah bangbang sing-tawh dawh uhhi.Innka-mong, innliim kipatna veilam dung-ah dawhdan dawh uhhi.Innliim beina, innsung kipatna-ah saangkiil khungsuk uhhi.saangkiil tungsan-a veilam kongbiang-ah tawitawm thuah uhhi.saangkiil tungsan-a aziatlam kongbiang-ah tawisau thuah uhhi.innliim luutphei ziatlam tengpen sumtawng ci-in sum leh sukte kikoih-hi. (Japan Gaal khitciang-in sumtawng-pen atuam-in alam-zong omhi.Hiangzawl khempeuh akhil, aleenpi khuam-pen suutpi ci uh-a, innsung-ah om-hi.Hiangzawlte suutpi-tawh akhilna zawlpi-pen suutkhil kici-hi.Hiangzawlte' tung-ah azumto zawdeuh-a kibawl zawlpite innsun kici-hi.Innsunte' tung-ah bii/siikkaang gat nading-a kikhung zingzengte innkaan kici-hi. khau-tawh kaan-zong kuul sese lo-in, siiktukkilh-tawh akikilh hang-in innkilh hi tuanlo-hi.Innka veilam dung-ah tongtan-bang asaangzaw-in kisuangsawn tau kidawhphei-a tuangdung kici-hi.Innka pan-in naute akiatloh nading leh puanbu puanza pho nading-in zawlte kikhung-a, taangbaan (rail) kici-hi.Innka mong, inntual-tawh kizopna-ah suangpeek kiphah phei-a suangphah kici-hi.Innka mong, suangphah mong-ah innka nuai luutna (gante luutna) kong kibawl-a siangkong kici-hi, banghanghiam cihleh innka nuai-ah sialte kigiaksak-hi.Huang ki-uum-a, inn luutna kong kibawl-in keelkong ahihkeileh gawlkong kici-hi.Gawlkong kibawlna khuapi nihte konggawl kici-hi.Konggawl nihte khetlet-tawh kibawl hi-a zawl kikhung-in kongzawl kici-hi.Innpi nunglam-ah innsung pan-a pusuah nading emergency exit kongvang bawl uh-a,pial kici-hi. Pupate apilna: kaangmei, patau, tualgaal omleh pial pan-in taai uhhi. Zomilote-in neihtuak lo-hi.Pial ziatlam-ah uumtuam kiukeu mun siangtho khat nei-a, Innsungpi biakna-in kizangh-in phamawh kici-hi. Innsungpi-pen pupa' khate biakna hi-a, Teizaang awsuah kizangh kim-in "Pu'sa, Pa'sa Thoih" kici-hi.Saangkiil khenphei veilam pang-ah vok-an piakna leh huansung kumsukna kongvangneu leh tau khat kikoih-a, tawlettau kici-hi.Pusuahna ahilo, khuadaak nading-a avang abawlte-uh tawlet ci uhhi (window).Innmun leitang asaanzawkna mun, inn luangpi dunggei-teng innkuun kici-hi.Inntung khuhna-pen innluangpi' sang-a azai zawdeuh-in kikhuh-a, innluangpi pualam-a akaai/avaal tengpen bikha/bikhalaap(bitha/bithalaap - Dim & Siyang) kici-hi.Innpi maailam-a avaal-a akaaisuk inntungkhuhna leuleu-pen bithaihkaai kici-hi.Bithaihkaai nuai-ah salu suan nading zawlneute kikaan sipsep-a,salukaan (kaan aw-eu


NB: Hihteng ka' phawkpak hi-e, alim-tawh Gualbaan Zolai Sinna (Zilaai Tanzil) laibu-ah kicingtak ki-enthei dinghi. Hihte lakam-lah hilo, paunaak-zong hilo; sil (noun) hi-a, min lawhna ahihi.


Zomi Pasian' Thupha!


Zokhai



***********************************************                                  

T. Zokhai          ITNA-IN GUABANG HINNA-HI        
60 Narr-Maen Drive                                                            
Croydon Hills VIC 3136         
Melbourne, AU                   
Tel: +61 39723 0460                                      
Mob: +61 420 800 560                          

***********************************************

  • Blogger Comments
  • Facebook Comments

0 comments:

Post a Comment

Item Reviewed:  Zomi Pupa' Innsung Innpua   Rating: 5 Reviewed By: Thang Thawn Tuang Guite