Leitung ah anduh gilkial leh cihmawh gentheih pen tawlkhat khitteh ong beibei sam hi. Gilvah hun ong om sam a, nuntak nop zawkdeuh hun zong om zelzel sam hi.
Tua anduh gilkial hun, cihmawh gentheih hun a ong ompih gige pa Pasian i phawk gige ding thupi hi.
Ahi zong in khualum khuadam, gilvah gilkial, nopsak leh gentheih cihte tawh kisai hetlo a a puakhak gige denkhat om a .. tua pen "maizumna" ahi hi.
Gamtat luhek, mukpau kampau in maizumna piangsak baih mahmah ahihman in kidop huai hi. Mimal nisim nuntakna ah ahi zong in, inkuan sung leh u le nau sung, khua le tui leh Minam sung ah a kilawmlo, a deihhuai lo gamtat luhek leh mukpau kampau peuhmah a zumhuai zia a theitawm lote iki hilh siam ding thupi a, tua iki hilhsiam a iki man' siam nak leh i innkuan, u le nau, khuasung leh gamsung dong nuam in etlawm mahmah ding ahi hi.
A zumhuai thu le la khat peuh ka ngaihsun kha hiam, ka pau kha hiam, ka gamta kha hiam???... ei le ei ngaihsun tawm le'ng...
Pau Khat Suan
Post a Comment