728x90 AdSpace

Latest News

GET UPDATES

Dawkdawn/Dokdawn Tangthu

Dawkdawn/Dokdawn Tangthu

A taihat lo, a hi mengmeng khollo ahih hangin a tupna a tungzo veve Dawkdawn thu tawh thalak huai kasa hi. A tai hatlo in a ki gen Sumkuang ahih leh Leilak ah tai hatlo na pi in Tui sungah hat mahmah hi. Dawkdawn ahih leh koikoi ah tai valval theilo hi. Damdam in a ki dawkdawk hi bek aa, a tupna a dawn dong tung zo hi. Tua hangin amin Dawkdawn kici aitam cih ka ngaihsun aa, a min phuakte siam kasa hi.

Dawkdawn cih a khiatna pen ki Dawkdawk in a tupna a Dawndong tungzo ahihna manin Dawkdawn kici hi kha dingin kei mimal in ka ngaihsun hi. Toktol a ci om kiaukiau hi mahleh a khiatna taktak ding haksa kasa hi.

A sim mawh huai pen ahih ban ah ngahna ding omleh a nu nung pen ah a tung ding ganhing khat na hihi. Hi mahleh lungkia theilo in damdam in ki dawkdawk in a tupna adawndong a tungzo ganhing khat hi veve hi. Thanem ih ki sak ciangin mi tuntan, mi theihtan, mi phaktan a tungzo dingin ih ki ngaihsun zo kei hi. A hangin a thadah, a zulzau tata peuh ama apai zaw ih sak hun om thamtham hi. Ahi zongin lung khialo in maban azomte bek a tunna tantan tawh a khamuang dingin Pasian in na om pihden zaw hi. 

Ih sepna ih geelna peuhpeuh daupai zitzit loh hun hong tun ciangin lungkia lo in, ci taktak in ih sep nakleh thaman hong pia ding Pasian khat bek ih neih hi. Pasian deih ahoih na te ih sep ding bek thupi hi. Lai Siangtho in, "Tua ahih manin na hoih sep ding cimtak kei ni. Lungkia loin i sep nakleh a hun ciangin thaman i ngah ding hi.Galati 6:9)".

Thanem ka ki sak ciang, mi tuntan ka tun mengmeng loh ciang a pai niamniam Dawkdawn zong ci taktak in a paipai leh a tupna a dawndong mah tungzo veve hi cih tawh tha ka la to zel hi. Hih thu a sim kha mimal khempeuh tungah ka lungdam. By. Thawn Tuang www.zomi-angvaan.blogspot.com
  • Blogger Comments
  • Facebook Comments

0 comments:

Post a Comment

Item Reviewed: Dawkdawn/Dokdawn Tangthu Rating: 5 Reviewed By: Thang Thawn Tuang Guite