Mi pawlkhatte in lungdamna leh lungnopna pen sum leh pai, hauhna, nopbawlna, melhoihna, min leh za neihna bek sa in tua teng bek thupi bawl kha uh hi. Leitung lungsim tawh nuntakna a ngaihsunte adingin a hi thei lua himah hi.
Mi pawlkhat leuleu in lah lungdamna leh nopna a cih uh ciangin pumpi nopsakna tuamtuamte sa in delh uh hi.
Mi pawlkhat te in lungdamna leh nopna acih uh ciangin lawm leh gual hau, mite tawh kiho thei, kikhawl thei cih ciang hi a, a nopsakna uh zong lawm bangzah nei, cidamna hoih nei, lungkhamna tawm cihte ahi hi. Hih bang lungdamna leh lungnopna pen a pua lam pan hong pai hi a, a sunglam pan hong pusuak mimal ngaihsutna hilo hi. Lawm leh gual in hong ngaih leh lungnuam in nuntak thaman om a, lawm leh gual in hong taisan in cidamna te kiam leh lungdamna, lungnopna kiam ahih manin nuntak nopna zong kiam hi.
Lungdamna leh lungkimna, nuntakna man a nei taktak pen i nuntak sungin matutna lian leh gina i nei hiam cih tawh kiteh thei hi. A noptuam i semkhia hiam. A kip a kho gamtatzia i phukhia hiam. Nang hong theite hi in hong theilote nangawn in a khang a khanga a zat theih ding na manpha na semkhia hiam cih ahi hi. Mihing nuntakna dingin a phatuam na sepkhiat leh tua bang nuntakna pen nuntakna manpha, nuntakna man nei, nuntak man om ahi hi.
Tua banga nuntakna man nei i neih theih nadingin 'Bang hangin nungta ka hiam, bang hih dinga nungta ka hiam?' cih ei leh ei i kidot ding, tua dotna i dawn theih ding a thupi mahmah ahi hi. Tua dawn theihna dingin - tup leh ngim neih kul hi. Ka nuntak sungin hih teng tum ning, ngim ning, tangtunsak sawm ning ciin tua a tangtunna dingin nakpi takin sep ziahziah ding ahi hi. Hih mun ah 'sem ziahziah' i cih pen nisim, naisim a i kalsuanna, i nuntakzia, i vakna, i annekna, i lawmkholhna, i hun zatzia khempeuh genna hi. Zingsang thawh pan nitak lup dong i gamtatna khempeuh i nuntak manpha a suahna dinga nasepna vive ahih manin nikhat i nuntakzia ding gel kul hi. I sep dinga hong kilui leh sep ding, i mai ah hong kiat leh hih ding ahi hi.
A tawpna ah 'nuntak sung bangteng kisam hiam' 'a nungta te in bangteng hih kisam hiam' ciin kidongin hih thu limtak in ngaihsun leng i nuntakna in man hong nei semsem dinga, nuntak thaman hong tam semsem ding hi.
Hau Za Cin
Phuitong Liim
www.hauzacin.blogspot.com
He Knows How You Feel
Jesus was angry enough to purge the temple, hungry enough to eat raw grain, distraught enough to weep in public, fun loving enough to be called a drunkard, winsome enough to attract kids, weary enough to sleep in a storm-bounced boat, poor enough to sleep on dirt and borrow a coin for a sermon illustration, radical enough to get kicked out of town, responsible enough to care for his mother, tempted enough to know the smell of Satan, and fearful enough to sweat blood.
He is able to run to the cry of those who are being tempted and tested and tried.
Hebrews 2:18 (AMP)
Whatever you are facing, He knows how you feel.
Post a Comment