Zogam Charter ( Zomi Version)

Zogam Charter

First Edition

September 18,2021

Asung Thute (Contents)

Zogam 'Thu Taangkona (Zogam Deelaration)

Khenpi-1 : Thumasa (Introduction)

Khenpi-Il : Ngimna 1ch Thubulphuhpi (Objectives & Basic Values)

Khenpi-Il i : Thuneihna leh Vaipuak (Authority and Duties)

Khenpi-IV :Kaallak Kivaipunkzia (Interim Governance)

Khenpi-V : Mailam Kalsuan ding Mabante (Road Map)

Khenpi-VI : Zogam Kivenbitna (Security)

Khenpi-VIl :Sum leh Paai (Finance)

Khenpi-VIl : Kimakailizia leh Kalsuanzia (Mobilization and Operation)

Khenpi-IX : Puahphatna lch Thu Tuamtuam (Amendment and Miscellancous)

Khenpi-X : Thu Kipsakna (Ratification)

Zogam Declaration

ZogamThu Taangkona

Leitungmi khempeuh leh minamkimte zakding in Zomi-te mailam kalsuan khuasakzia ding leh Zogam kivaipuakzia dingin hih anuai a Zogam Thu bangin Zomi buppi tangin kitangkokhia hi.

1. Zogam leh Zomi tawh kisai thu leh la, thuneihna leh vaipuak, gam leh leitang, kivaipuakzia leh kimakaihna thu khempeuh akikhum Zogam Charter kikhumg zo hi. Zogam Charter in Zogam ah Suahtakna, Thudikna, Kileekkimna cihte a kipan Mihing Hamphatnate Khuavanuai Tangkona Thugilte tawh kisai zuih ding vaipuak khempeuh huamkim hi.

2. Zogam in, tu laitak a Myanmar kumpi ukna gam sung a om, anuai a kikhum, Zomi-te tenna, akizom leitang mun leh mual teng khempeuh ahi hi. Zogam in Myanmar gam sung ah pupa luahsa gam teng; Nisuahna lam ah Chindwin gunpi ciang, Nitumna lam ah India gamgi dung a Zosuante tenna gam leh leitang ciang, Leilu lam ah India gamgi dung a Zosuante teenna gam leh leitang ciang, Leitaw lam ah Falam gamgi dung a Zosuante tenna gam leh leitang ciang Kabaw Valley sung Leitasv lam ah Meitei gunpi dung ciang huam hi.

3. Zomicih eiangin, atung a bangin Zogam in akiciamteh leitang mun leh mualte luah in, tua mun leh mualte ah tangtawng a kipan atengsa, pupa khang a kipan minam khat, si khat sa khat, unau laizom khat hilna tawh a kikhuasa, akiphawk zobanlo tangtawng hun a kipan Zomi hi ung ci in a kiciamteh tualsuak mite ahi hi.

4. Zogam in 1947 Panglong Thukimna bangin mimam thuneihna ngahthcilna, minam hamphatna leh, sum leh paai sehtan ngahtheihna, gam ki-uktheihna, minamkim gamkeekim tawh liangko kikimna cih Federal Democracy Kibelpawl Gam a Thuncihna khempeuh nei hi.

5. Zogam tawh kisai thuneihna khempeuh in Zogam sung ah ateng Zomi taangpi taangtate' neihsa ahi hi. Tangpi tamngta in ateel Zogam Innpi (Parliament) in Zogam Thukhunpi tawh kituak in Zogam tawh kisai thu khuntheihna nei ding a, Zogam Thukhunpi tawh kituak in akiteel Zogam Kumpi bekin Zogam zingvai hawm thei ding hi. Zogam Inmpi ahong piankhiat theihna dingin 2019 Zomi International Conference Kuala Lumpur Declaration siksan in, Zogam Charter zui in kikalsuan ding hi. Zogam thuneila leh zingvaina khempeuh tawh kisai in mipi atamzaw thukimna tung ah kinga ding a, atawmzaw mipite lunggulhna kizahtak ding hi.

6. Zogam leh Zomi-te thuneihna pen leitung ah gam khat leh minampi khat in akiciamteh, kumpi gam leh tualsuak minamkimte tawh a dinmun leh liangko akikim ahi hi.

7. Zogam sung a leisung sumpiangte, leitung leinuai a om go leh gamhte, singkung lopate leh ganhingte, ateng mihingte khempeuh tawh a kisai thuneihna pen Zomi in akiciamtch minam khatbek in bittak leh kipkho takin aneih ahi hi.

8. Zogam leitang tung ah a teng mi khatpeuh in, midangte suatitakna Ich thuneihna a nawngkai sakkeinak aleh, biakna, upna, ngeina, zia leh tong, neih leh lam tawh kisai in, mi khempeuhtawh a kikim suahtakna leh thuneihna (Fundamental Rights) nei uhhi. Zogam sung ah ateng Zomi taangpi taangta in gam 1eh minam vai khempeuh ath, Zogam Thukhumpi tawh kituak in, ei leh ei kivaihawm theihna (Self Deterination) thueihna nei hi.

9. Zogam Charter zui in kalsuanna in, Myanmar gam sung ah 1948 kum suahtakna a kingahkhit a kipan in, Zogam leh Zomi-te in angah dingin akilawm, Federal Democracy dante zui a Belpawl Gamkee thumeihna bukim ngah theihna dingin hanciamna ahi hi.

10. Anumgta Pasian in hih Zogam Taangkona leh Zogam Charter hong taksuak sakin, hong tangtung sak henla, Federated Zogam leh Federal Democracy dante siksan in akilam Myanmar gam thupha hong pia hen.

Zogam Charter

Khenpi-I: Thumasa (Introduction)

Federal Democracy Gampi (Federal Democracy Union) khat hong pianzawhna ding tawh kisai in, Zomi buppi tangin gam Ich minam hakkolkisuan a vaipuak lakna in, anuai a bangin Zogam Charter kibawl hi. Hih Zogam Charter pen Federal Belpawl Gampi sung ah Zomi-te in Federal Gamkee (Federated State) dinmuan picing khat angah theihna ding lunggulhna leh ngimna tawh kituak in, Zogam Thukhunpi (Constitution) in a siksan ding Thumeilette leh Zomi taangpi taangta in azuih ding thu leh late akhung Thubulpi ahi hi.

Myanmar Gam sung a Zomi-te tenna ci-in Zogam Thu Taangkona sung ah akiciamteh leitang leh tua leitang tung ah ateng mite in, Myanmar Gam sung ah gamgi anei State leh Federal Unit in a kiciamteh Gamkeete leh tua Gamkee sung a mite tawh thumeihna khempeuh ah liangko akikim in, hih Zogam Charter in kipsak hi.

Khenpi-I: Ngimna leh Thubulphuhpite (Objectives and Basic Values)

1. Zogam leitang tung ah thauvui thautang, thatang bantang leh thagum hatna suang in gam thuneihna lakna leh taangpi tanngta simmawhnate beisiang in, ahong piannonlohna ding leh Zogam ah mipi thuneihna akipkho theihna dingin hih Zogam Charter kikipsak hi.

2. Gam bitna (Security) ding nasem Galkapte (Army, Military Personnel) Ich Palikte (Police) in, taangpi in ateel Kumpi' thuneihna nuai ah na asem ding a hilna leh thau tawi Kumpi nasem peuhmah in azuih ding in a kikhung Galkap thukhamte (Military Code of Conduct) litak in zui in, Mihing hihna leh hamphatnate (Human Value) azabtak theihna dingun hih Zogam Charter kikhung hi.

3. Federal Belpawl Gampi (Federal Union) ah Zomi-te in mihing hamphatna, pianken tanh (Human Rights) khempcuh, tualsuak minamte thuneihna (the Rights of Indigenous Pcoples) mipi thuneihna (Democratie Rights) diktak eh taangpi thuneihna (Civil Rights) bukim angah Zogam Federal Gamkee (Federated State) picing khatin adin zawhna dingin hih Zogam Charter kikhung hi.

4. Zogam Federal Gamkee Kumpi (Govemment of Zogam/Federated State/Zomi State) in Federal Belpawi Gampi Kumpi (Govemment of Federal Union) tawh, Zomi taangpi taangta deihna bangin, gam ukna thuneilhna hawmkim (Power Sharing) theihna ding, hamphatna leh sehtan ngahna hawmkim (Revenue Sharing) theihna ding, gamsung Ich leisung sunpiangte hawmkim (Resource Sharing) theihna ding, Federal Sumpi hawmkim (Fiscal Sharing) theihna dingin Zogam Charter kikhung hi.

5. Zomi-te akikhenkhap theihna ding in khenthang a ukna (Divide and Rule) panin ahong piangkhia, sanggam unau laizom khat sung a nam tuamtuam in kikhenthangnate lemtuah in, minam khat hihna tawh kipumkhat a, Zomi hilna (Zomi Identity) kiplet tawntung theilna dingin Zogam Charter kikipsak hi.

6. Zomi-te minam kician khat hihna leh minam kiciaptehna thuteng limtak in kemeing in, Zogam sung ah akipkho, abukim khantohna a om theihna dingin Zogam Charter kikhung hi.

7. Zomi-te in thumanna leh diktatna tawh a nungta, thukhun zahtak in a zui, a picing nampi khat dinmun anei Minam kician khatin akilapsang zawhna dingin hih Zogam Charter kimasuan hi.

Khenpi- I: Thuncihna leh Vaipuak (Authority and Dutics)

Khenpi- 1l sung a kikhung Ngimnate leh Thubulphuhpite hong taksuak zawhna dingin:

1. Hih Zogam Charter pen sak leh khang, sim leh mal, tuipi galkhat a om, Zomi-te minam kipawinate, minam galkapte, gamvai kipawlnate (Political Party), khua lch tui kipawinate (Community Organizations & CSOs), biakna kipawinate tung ah kinga hi.

2. Hih Zogam Charter kipkho in taksuak a, a picin semsemna dingin Zomi mimalkim mawhpuak (Responsibility) Ieh sepding vaipuak (Duty) hiding hi.

3. Zogamin Federal Belpawl Gam ah Federal Gamkee khat in adin theihna dingin akisam Zogam 'Thukhunpi (Zogam Constitution) ahong piankhiat masiah hih Zogam Charter kibulphuh ding a, a kisapna zui in, hih Zogam Charter behlapna leh puahphatna kinci ding hi.

Khenpi-IV: Kaallak Kivaipuakzia (Interim Governance)

1. Myanmar Gam sung ah gam ki-ukna kisia in, Gam Makai kician takin dingtang zolo ahihmanin, taangpi in ateel Zogam Makaite a om masiah kaallak hun sung tengin, Zogam leh Zomi tawh kisai thu lch late avaan ding, vai ahawm ding, madawk in ma apang dingin Zomi Re-unification Organization Pawlpi in Zomi Political Coordination Committee phutkhia hi.

2. Taangpi in akipsak Zogam Thukhunpi (Constitution of Federated Zogam) leh taangpi in ateel Zogam Makaite ahong om masiah, Zogam leh Zomi tawh kisai thu leh la khempeuh ah Zomi Political Coordination Committe in madawk in vaan ding hi, Zomi Political Coordination Committee in minam buppi phattuamna ding mitsuan in nei ding a, Zomi sung ah deidanna leh guptuam paihtuam neilo in ma pang ding hi.

3. Zomi Political Coordination Committee sung ah gam leh minam vai tawh kisai Zomi kipawlna tuamtuamte leh biakna lam a Zomi kipawInate panin makaite, siate, upate a kipan, gam teh minam a it Zomi mipil misiamte, makai uliante kihel thei ding hi.

4. Federal Belpawl Gam ah Federal Kumpi (Federal Govemment) ahong pian masiah Zomi Political Coordinmtion Committee in anuai a bangin Tanupawl tuamtuamte vaipuak guan thei ding hi.

(a) Department of Federal Affairs

(b) Department of Legislative Affairs

(e) Department of Judiciary Affairs

(d) Department of General Administration

(e) Department of Finance

(0) Department of Publie Relation

(g) Department of Information and Media

(h) Department of Defense

.. cihte ahi uhhi.

5. Zomi Political Coordination Committee pawl sung ah Chaiman, Chief Functionary Officer leh Head of Department panmunlen teng kihel ding a, Zomi Political Coordination Committee tawh kisai thute ah thu khensat theilna nei ding uhhi.

6. Zomi Political Coordination Comminee pawl sung a pawlmi kimin thu khensat theihna Vote tang khattek nei ding uhhi. Zomi Political Coordination Committee pawlin Vote tawh akhensat zawhloh thu khatpeuh, ahih keileh, thubuai thukinialna leh thunawngkai khatpeuh a om ciangin Chaiman in Veto thuneihna tawh thu khensat thei ding hi.

7. Zomi Political Coordination Committee in Federated Zogam hong piankhintna ding leh Federated Zogam amakai ding Federated Zogam Govemment akilam theihna dingin vaipuak in nei hi.

Khenpi-V: Mailam Kalsuan ding Mabante (Road Map)

1. Federal Belpawl Gam ahong pianna dingin, hih Zogam Charter sung a kikhung thu leh late, ngimna leh thubulphuhpite, kivaipuakzia leh mabante tawh akituak, ahih keilch, ahong thukimpih, Myanmar Gam National Unity Govemment a kipan, gamsung gampua a om kumpi tuamtuamte tawh khut kilen in, ma kipangkhawm thei ding hi.

2. Zogam in Myanmar Federal Belpawl Gam sumg ah Federated Zogam (Federal State / Zomi State) khat in adin theihna ding vai hawmin, ma kipang ding hi.

3. Federated Zogam ahong pianna dingin hong deihsak leh kibelpawl pangkhawm in, khut kilen nuam gam, minam, kipawlna leh mimalkim tawh khut kilen in na kisemkhawm ding hi

4. Federated Zogam in azuih ding Zogam Thrukhunpi kikhung ding hi. Zogam Thukhumpi pen Zomi taangpi taangta tung ah kiphah ding a, Zogam sung a om Zomi buppi sung pan thu khensat theihna anci, kumeing mimal atamzaw thukimna bangin kikipsak ding hi.

5. Federated Zogam zingvai ahawm ding Zogam Govering Body khat hong piankhiatna dingin vai kihawm ding a, ma kipang ding hi

6. Zogam sung a Distridt, Township, Town-te kivaipuakzia leh gamgite kisittelpha ding a, pupa neihsa thuncihna leh pupa luahsa gamgi zui in kikhungkik ding hi

7. Zogam Kivaipuakzin ding Zogam mailam kalsuanzin ding Ich Zogam kimakaihzia ding tawh kisai Thumeilette (Policy) leh zuih ding dante (Principle) kikhung ding hi.

Khenpi-VI: Zogam Kivenbitna (Security)

1. Zogam akem ding in Zomi min tawh Zogam Galkap kipawina khatbek hiding hi.

(a) Zomi Revolutionary Amy - Eastem Command (ZRA-EC) pen Zogam Galkap dingin kikipsak hi.

(b) Khua leh tui ahu ding leh Zogam Galkapte ahuh dingin Galkap khat kinei a, Zomi National Volunteer (ZNV) ki ci hi. ZRA-EC leh ZNV in Commander in Chiefkhatbek nei hi.

(d) Federated Zogam Govemment hong pian masiah Commander in Chief in ZPCC Policy leh ZPCC vaihawmnate zui in Zogam kemeing, hubit ding hi.

2. Zogam sung ah ZRA-EC/ZNV ahilo, a dang galkap khatpeuh a omlohna dingin panmun bitak in kila ding hi.

3. ZRA-EC/ZNV in taangpi thuneihna tawh akikhung thukhunte lo siah, adang thautawi khatpeuh thuneihna cihna leh khutnuai ah omlo ding hi.

Khenpi-VIl: Sum leh Paai (Finance)

1. Zogam leh ZPCC Pawl tawh kisai akisam Zogam sum leh paai (Zogam Fund) dingin anuai a bangin kisang ding hi.

(a) Zogam leh Zomi avei mipite, mimal kkhatpeuh leh khua khatpeuh panpihna kisang ding hi.

(b) Kumpi khatpeuh, kipawina khatpeuh tung pan panpihna kisang ding hi.

2. Finance Department in Zogam Fund ngahna dingin sum leh paai zonna leh kaihkhopna lam vaipuak nei ding a, thuman lampi tawh sum zonzia siksan in ma pang ding hi.

3. Siahdonzia thukhun kician akineih khitciang in, Zogam sungpan sumbawlna leh sum suak thei van leh nate tungtawn a sum leh paai kingahte, Federal Belpawl Gam pan hong lut sum leh paaite bulphuh in sum 1ch paai zekna kinei ding hi.

Khenpi- VIll: Kimakaihzia Ieh Kalsuanzia (Mobilization and Operation)

1. A thu a la leh mabante zui in Department tuamtuam pan Department Tanupite in akisai thunei pawlte (Stakeholders) tawh kizom thei, vai hawm thei a, ZPCC Pawl teng ah thu puak ding hi.

2. Zomi Political Coordination Committee buppi tangin Chief Functionary Officer theihpihna tawh Information and Medin lam pan thu suahkhia thei ding hi.

3. Federated Zogam hong pian masiah;

(a) Zogam bitna ding, Zogam hu'ina ding, Zogam kepeingna dingin galvai tawh kisai vaihawmna leh kalsuanna ding khempeuh ah Department of Defense in vaan in ma pang ding hi.

(b) Commander in Chief thupiakna leh theihpihna tawh Commander of Operation in ZRA-EC/ZNV Pawlpite tangin Minister of Defense, NUG leh Ngimna kibang EAOs teng tawh hi taleh, Zogam hubitna dingin akipsana bangin kumpi khatpeuh, Military Foree khatpeuh tawh hi taleh, thu kizathei, kikum thei, vai hawmkhawm thei ding hi.

(d) Thukhun tuamtuam Ich Zogam sung pan thu lch la tawh kisai teng Department of Legislative Affairs in geel in van ding hi.

(e) Zogam sung ahi zong. ZRA-EC Pawlpi sung lch ZPCC pawi sung ah thumanna leh diktatna a om theihna dingin Department of Judiciary Affairs Tanupawl in vaan ding hi.

(f) Zogam kumpi a kiphuh masiah, Department of General Administration Tanupawl in Zogam sung a khua leh tui vaite hawmin, madawk in ma apang ding a, khua leh tui makaih ding hi. Department of General Administration Tanu pawlin khua leh tui sung a upate, biakna sinte leh khangno makaite tawh ma pangkhawm ding hi.

(g) ZRA-EC Pawlpi leh Zogam Charter tawh kisai dinmunte, ngimnate, maban kalsuannate, thu leh la vaihawmnate khempeuh taangpi in ateltheihna ding Ich asan zawhna_dingin Department of Pablie Relation Tanupasl in vaan ding hi.

(h) Zogam Charter a tangtunna ding, angpi in thuman thutak a telthoihna ding, Zogam Charterthu a kipan ZPCC Pawl thute leh Tanupawl tuamtuamte maban kalsuannate taangpi in atheih theihna ding, gamsung gampua thute toangpi tung atel theihna dingin Department of information and Media Tanupawl in madawk in ma pang ding hi.

Khenpi-IX: Puahphatna lch Thu Tuamtuam (Amendment Miscellaneous)

1. Political Coordination Committee pawlin Zomi-te Minam Khawmpi (Zomi Convention), ahih keileh Kiallap Minam Khawmpi (Emergency Zomi Convention) samin, Khawmpi sung ah hih Zogam Charter etkikna, sittelna leh puahphatna kibawl thei ding hi.

2. Gam leh minam tawsh kisai thuneihna bulpite taangpi tnangta khut sung ah atunkikna ding kihanciam tawntung ding hi.

3. Federated Zogam hong pianna ding in Zomi Political Coordination Committee pawl in milingte pianken tanh (Hfuman Rights), tangpi thuneina (Democracy thuguipite) leh Belpawl Gam (Federal) thugilpite siksan in masuan maban teng at kalsuanto ding hi.

4. Sim leh mal, sak leh khang, beh le phung, khua te tui, pau leh ham, upna lch biakna, mizawng mihnu, numei-pasal, numci naupang khenlo a, deidanna neilo in Zomi-te ading maciang kisuankhawm ding hi.

5. Taangpi tung ah ngongtatna 1eh khutlum ngaknate pan kidal, kihubit ding a, kizanglo ding hi.

Khenpi-N: Thu Kipsakna (Ratification)

Hong pailai ding hun ah Zogam lch Zomi-te ading in Zomi Political Coordinntion Committee in mawhpuak leh vaipuak alak ding thu leh late leh maban khempeuh ah anungta Pasian lamlahna, taangpi thuneihna leh sualtakna zahtakna cihte bulphuh in hih Zogam Charter ka kipsak uh hi.

Zomi Political Coordination Committee, Zom Revolutionary Army (Eastern Command)