728x90 AdSpace

Latest News

GET UPDATES

A ( 67) Kumcin Zomi Nam Ni Malaysia ah bawl nading thu!


Hong tung ding Zomi Nam Ni gam tuamtuam om Zomi te omna mun khempeuh ah kibawl ding ahih mah bang in Malaysia om Zomi te in zong thupi tak in Minam ni bawl khiat ding gimna leh geelna nei ta uh hi.

Giimna leh Geelna:
*********************
Hong tung ding A(67) Kumcin Zomi Nam Ni ( Zomi National Day ) Malaysia ah nithum sung ahi 19/ 20/21 Feb/ 2015 hunsung bawl ding uh hi.

Ni thum sung Minam ni nasep vai ding te:
************************************************
Malaysia om Zomi te in Zomi National Day 19 Feb /2015 Pansikni in Chinwoo Stadium ah Ngeina la, Minam lam nam tuamtuam leh Zing Mangpi Dr Enno tawh thupi tak in bawl ding ahihi. Tua ni in mipi tampi tawh kibawl khop ni ahi ding hi.

Zo An Liim nono.
*******************
A (67) kumcin Zomi nam ni Malaysia ah mi tulguk val kipha ding kilam en ta hih man in Ansai khat bek in dawlzo nawnlo ding ahih man in Ansai atawm pen thumciang kihong khia ding a mehliim nono Anliim nono azuak siam te thupi ding ahihi. Hih Ansai khat bek kihonloh na pen abei sa hun in Zomi Nam Ni mi kitam lua ahih man in anminlo pi leh meh liim lopi in gilkial Zomi te an kipia kha ahih man in Ansai nasem te kicing zo nawn mahmah lo na hang ahihi.

Tui leh Avot!
*************
Anbek hilo Tui leh avot mahmah zong atuam vilvel in azuak om kul ta ahihi cihi. Ahang in Zomi nam ni leh Khuado ni pen mi kitam mahmah na hang in nasem kicing zo lo lua hang ahihi. An leh Tui lei nang Zomi te sum kiging ziau uh a, ansai, tuizuak tanu ding hak sa mahmah om ahihi.

* Ansai leh Tui zuak ding ten in ZAM phalna lak kul ding cih kiza hi.

Chief Guest!
**************
Zinmang pi ding in GZA President Dr Enno hi ding cih kiza hi. Anungthuap ah Dr Do Suan Mung, ZCD Thuzeekpi Pu Kam Lian, te ban ah Kalay pan in kumpi theih pihna angah ZYA te zong amau leh mau hong kuan in Malaysia ah Zomi nam ni siim in hong pai ding cih kiza hi.

Hunzat zia ding nite.
**********************
19 /Feb/2015 Zomi Nam Ni Pansiik ni , hi ding a, Mipi tawh kibawl khawm ding hi. 20/ Feb/2015 Zomi nam ni ( Apii ni) leh 21/ Feb /2015 Zomi nam ni Khekleh ni te ah Zomi Seminar nasiatak in Makai te'n Zosuan Tuailai te tung ah na siatak in bawl pih ding giimna nei uh hi.

Zomi Nam Ni Seminar ah"
*******************************
Zomi nam ni Apii ni 20/ Feb/2015 leh Khek leh ni 21/ Feb/2015 ni ahi Zomi Nam Ni Seminar te ah, Zomi leh History, Zomi leh Zomi Culture, Zomi leh Literature, Zomi leh Linguistic, Zomi leh Our Role, Zomi leh Vision, Zomi leh Unity & Fellowship, Zomi leh Education, Zomi leh Technology, Zomi leh Insurance, Zomi leh Zogam Develoment, Zomi leh Politics cih te om ding a lengla zah tak ZYA te pan kipan GZA pu te tung pan thu hoih nono khantoh nasep zia thuthak om ding ahih man in Laibu leh lai kung kigin kul thei ding ahihi.

Pansikni ah Hunzat zia!
**************************
A(67) Kumcin Zomi Nam Ni ah Hunzang ding Chief Guest pan kipan ahun zat ding thugen huai thu gil te laidal tawh hoihtak gelhsa vive hi ding a, CG lo buang minutes sawm sang tam zaw lo thugil mahmah te hi cing cih kiza hi.

Zomi Nam Ni Laigelh kidemna.
**********************************
Abeisa hun in Zomi nam ni akibawl ciang in Lasa, liimlak thugen ci bek ahihi. Tutung A (67) Kumcin Zomi Nam Ni ading in Zosuan tuailai te in Zomi nam alungsim leh akhuak ah avei na ding in thuguicing kidem na Composition athak khat om a, ZEC siamsin sang naupang te kidem ziahziah ding uh hi. Akhatna ngah te ZND pan leitungbup ah amasa pen Zomi nam ni thugui cing gelh kidem na pia khia ding uh ahihi.

Zomi Nam Ni ah akisam Zomi kipawlna te.
***********************************************
A 67 kumcin Zomi Nam Ni ah Khua kipawlna pan, Pawlpi tuamtuam pan akisap ban ah Minam makai SOM, ZRC, MZO, leh thu nei tuamtuam te sap na kibawl khia ding cihi kiza hi.

Zomi Nam Ni mapan khopna:
**********************************
Zomi Nam Ni ( Zomi National Day ) pen Zomi bup tawh kipawl kum khat khatvei akinei bek ahih man in Eisiamna tek tawh man pan khop ding in geel cih kiza hi. Genteh na Music tumsiam te, Lasa Siamte, Thungai siam hihna te, Ngeina lam, Ngeina lasa te, dong ah akicial peeng tuam om hetlo in Zomi bup Numei le Pasal in isiam na tektek tawh kipawl khopna in Zomi Nam Ni bawl khiat tek ding cih kiza hi.

An khamval mawk paih loh ding thu'
*****************************************
Abeisa hun in Zomi Nam Ni leh Khuado hun ah An kham val te Mipi hita leh Ansai ten hi ta leh Anzuak na nung ah buaziau theih ahih man in akiim om te in thunei te tung ah report uh ahih man in An kham val leh niin peuh mah Ansai anzuak na kiim ah mawk paih loh ding kikham kholna thu iza hi.

Atuamtuam.
************* Music tum ding, Lasa ding, Alam ding, Thugen ding te ZAM leh ZND tanu ten ahunhun in Zaksak kikna nei ding uh hi.

Anunung pen :
****************
Anunung pen Zomi National Day ah panpihna sum leh paai te Feb 15 ni ma in vaisiang tho sak tek ding in Zomi makai kikiim dimdem ta uh hi.

*Tuni ZND meeting pan thu tom thugil hoih teng!


Hau Thang
  • Blogger Comments
  • Facebook Comments

0 comments:

Post a Comment

Item Reviewed: A ( 67) Kumcin Zomi Nam Ni Malaysia ah bawl nading thu! Rating: 5 Reviewed By: Thang Thawn Tuang Guite