Hih thu ZomiDaily panin kong lak kik uh ahihi.
Tusungteng Online tungah Lengtong Kam Khen tanu leh Htoo Ee Lin te nupa vai alunglut mahmah leh alunghimawh mahmah pawlkhat om ahih manin, akician in atheinuam te adingin Htoo Ee Lin in Official in agenkhiat thute kong suaksak uhhi.
Htoo Ee Lin ii lawmngaihvai tawh kisai in tulaitak mipi in lunglut mahmah uh a, hihvai tawh kisai in Htoo Ee Lin in gencianna neikhiata hi. January 07, 2015 ni in Mizzima News te tungah Htoo Ee Lin in agenkhiatna ah ka lawmngaih nunungding taktaktawh kaki mukhataktak ta hi ci’n genkhia hi.
“Lawmngaih taktak khat muta ing. Ka lawmngaihnu pen biakinn ah a innkuan un om uhhi. Pasian thu ummahmah innkuan khat ahihi. Hihbang numei hoih khattawh kaki muhkhakpen amah akamsia ahihi. Ahi zongin kei adingin ka lawmngaih nunungding taktaktawh akimu kahihi” ci’n Htoo Ee Lin in genkhia hi.
Tulaitak Htoo Ee Lin ii agen aki ngaihpih pen Zomi sungah ihtheih mahmah Lengtong Kam Khen ii tanu Nu Nu Mang ahihi. Htoo Ee Lin in agenbehna ah “Ka lawmngaih taktak muzo nailo kahih manin, apatpan kipan phazel in azongzong kahihi. Tutung taktak ahihleh khatpan atawpding ki simsuakthei tading hi. Nu Nu Mang tawh kaki ngaih uhpen kumkhat val phata hi” cihi.
Htoo Ee Lin pen nidang in Mi Mi Khel tawh kiteng uh a, tanu khat neiman uhhi. Ahi zongin lungsim kituaklo uh ahih manin kikhenkik uhhi. Tuakhitzawh Singer & Model khat ahi Kayah minam Caroline tawh ki ngai leuleu uhhi. 2014 kumsung mahin ki thutuah lohna pawlkhat omzel ahih manin kikhen leuleu uhhi.
Tu’n ahihleh Zomi liapal khat ahi Nu Nu Mang tawh kaki ngai uhhi ci’n Htoo Ee Lin in kiciantak in mipi tungah genkhia hi.
Htoo Ee Lin pen Kawlgam sungah akithei mahmah, aminthang mahmah lazong asiam mahmah khatin Kawlgam bup in aciapteh ahihi. Akicingkim mi aom hetlo kawmkal lakah hihbang in kiciatna anei khat Zomi te’n mak in ihneihkhak pen hampha hang cithei ziauleng hilello aimaw. Malaysia gamsung diakdiak ah Kawlmi bekthamlo, Rohingya, Rakhine, Kachin, etc… minamdang tuamtuam tawh asimtham in aki thuahthuah Zolia tampitak om hiven. Tuate tawh tehkakleng koi thupizaw nasa a?
Zomi te’n hihvai bang ih genbehnuam laitam maw? Lungdam! ZD Sawltak
Post a Comment