728x90 AdSpace

Latest News

GET UPDATES

Zomi Group mail zang a Pasian' thu genna


Zomi u le nau,


Internet zang a Zomite i kizop, i kiho, i kithuzakna group mailte tung tawn a Pasian' thugenna i neihtheih pen lungdam huai kasa hi. 


Ahizong in na khat peuhpeuh ei' deihdan a i deihkaih luat pahpah hi ee.. a nawngkai... athu in man leh khial thutuam... ei le ei man akisa ciat vive ihih kawmkal ah.. kei' cihbang bek.. cih lungsim tawh ipan keekaa ciat pen hi ei.. atawpna ah Pasian' thu zong hinawnlo in "Kei".. Kei aman.. Kei upna aman.. a Pasian leh a thu sang a.. a "Kei" pen a ultung zawk ciang a man pen nangawn Pasian muhna ah "athu" aman zong in "agen pa/nu" ii lungsim leh dinmun man nawn hetlo ding hi. 


Pasian liatsakna sang, "Kei" liatsakna tawh thu kigen tam lua hi.

Pasian' thu a gennuamte'n Pasian' thu ong gen unla... no leh no kiliatsakna, ki thuman sakna, kidiktansak tawm gawpgawpna cihte ong gen nawn kei un. Pasian ngaihsun kawm in thu ong gen unla, no le no khawng, na pawlpi doctrine khawng ngaihsun kawmsa in thu ong gen nawn kei un. Zaknop kei lua. Pasian'n min zong thang beek kenteh. 

Pasian mitsuan tinten sa a thu kigen leh kiphatsakna leh kipilsakna, kiliatsakna, angsung leh minphatna deihna lel khawng tawh thu kigente, lai ki-atte pen angai, asim mipi thu ngaihsun taktakte'n ongki thalniallo bek hi a kitel mahmah lel hi.


Tua ahihman in khatvei vei i Pasian' thugennate in Minam sung ah Pasian minthangsak hetlo a, kikhenna, kitotna, khat le khat ki galbawlna, kilangpanna, pawlpi khat leh khat, kipawlna khat le khat suktuahna leh minam sung kikhenthangna piangsak zawtham ding dinmun ong tung zelzel tawh kibang hi.


Pasian' min paulap a mimal ma akhuat niloh pawlkhat om hihang. Pasian' min zang a ipsung, angsung leh mimal minphatna ding azong, atum tinten pawlkhat om hihang. Pasian' MIN zangkhai ngaihsut kha hihang. Thaangbawl kha hihang.


I internet mail groupte zatsiam ding hanciam ni. Ki thuzakna nuam mahmah a ahihhang kitotna leh kikhenkhapna zong baih mahmah hi.


Pasian i it takpi leh ama' ongsawl bang in "A MIN" zangkhai ngaihsut nawn kei ni. Pasian a itte'n amuh theih anu apa, asanggam u le nau leh Minam it uh hi. 


Thupi khual in ki-it, kiho, kithuza in IPasian leh I Minam pahtawi ciat ni.


pksuan

  • Blogger Comments
  • Facebook Comments

0 comments:

Post a Comment

Item Reviewed: Zomi Group mail zang a Pasian' thu genna Rating: 5 Reviewed By: Thang Thawn Tuang Guite