0

Ki pawl na cih ciang in, Biakna kipawlna, Khangno ki pawlna, Minam kipawlna, khuakipawlna, Innkuan kipawlna cihte atuamtuam tampi om kha mah ding hi.  Koi ki pawl na, koi kipawl na ah ii om zong in, ii om na pawlpi/ ii kipawl na phung vuh ding ki sam mahmah hi.

Bangcih phung vuh ii dinghiam? tawm ki kum suk leng ut huai sa ing.

Kipawlna ah (lungsimsiang tho) ki sam hi. Thu buai khat ki theih mawh bawl ding, ahih kei leh vai khat peuh hih ci koih dak ding ii ut lai tak na ngawn in, Thu dam tawh thu MAN thu TAK nagen khiat theih ding hong ki sam ding hi.

Mi tampi tak in mi muh khialh thuak zen aa, thu man gen ding zah in, a mau a it mi nei lo uh ahih man in,gen ngam lo cih om thei uh hi.

Kipawlna pan mi khat alam pial laitak in thu maan gen pih ngam zah ding lung sim han na, na neih ding ki sam hi.

Kipawlna ah (ki niam khiatna) ki sam hi. Ei leh ei ki thupi sak na, ei leh ei hi ki sak na leh kisakthei na cih te in ki lawm tak na manlang tak in susia ziau hi. Ki phatsak na in mi te ki kal ah kulhpi lam to hi.Ki niamkhiat na in mite kikal ah kizop na leidawh hi. sathau bang in nelsak/ neel sak hi.

Pasian in kiphatna langpan aa, ki niam khiat na a nei mite heh pih in thu pha pia hi. ki phatsak na in thu pha teng dal tan hi.

Ki pawlna ah (thu siam na) ki sam hi. Thu siam na cih ciang in Kibat lo nate sansiamna,khat leh khat lungsim naa sakna te ki theih pih na leh hong lungsosak mite lung duai na cih te hi.

Kipawlna phungvuh na ah thu ki ip pih na kisam hi. 

Hoih tak in ki vaidawn na leh Muan huai tak in thu ki ippih na a om ciang bek in Mite in a lung sim uh hong suah khia ngam pan ding hi. Thu ki ippih cih ciang in ii sang gam nu/pa a mawh lai tak in dai om hithiat cih na hi lohi. Na ki pawl na sung ah thuki gen khat peuh na ki pawl na sung bek mah ah a om suak ding ki sam hi. ii sung thu mi dang te kiang ah gen khia sesup lo cih na hi. thu khat pan ki gensia lo cih na zong hi. lim tak ki kup ding ki sam hi.

Kipawlna phungvuh na ah hih mun na ki sam hi. Hih mun na cih ciang in atom thei penpen in maanmaan in ki zom cih na hi. maanmaan in ki mu/ meeting,maanmaan in thu kiza cih te zong ahihi.

Lai siangtho sung ah ki lawm tat zia nam kua om hi. Tua te ahih leh.....

1.Authenticity-hihna man, Ka lungsim suk khak na te uh ahi bang in ka ki hawm/gen sawn ding uh hi.(1Jhon 1:7-8, Jame 5:16a)

2.Mutuality-kizop tuak na, Khat leh khat tha ka ki pia dinh uh hi.(1cor 12:25,Rom 1:12, 12:10,14:19)

3.Sympathy-Thu khual na, Khat leh khat ka ki huh ding uh hi.(Kolosa 3:12,Fillip 3:10,Hebru10:33-34,Job 6:14)

4.Mercy-Heh pih na, Khat leh khat mawh na ka ki mai sak ding uh hi.(2cor 2:7,Kolosa 3:13)

5.Honesty-Lungsim siangtho, It natawh thu maan ka ki gen ding uh hi.(Galatia 6:1-2,Efesa 4:25, 4:15,paunak 24:26,28:23,Thuhilhna 8:6,1timoti 5:1-2,1cor 5:3-12)

6.Humility-Kiniam khiatna,Ka tha nemna te uh ka ki pulaak ding uh hi.(1peter 5:5, Rom 12:16Fillip 2:3-4)

7.Courtesy-Thusiamna, Kaki batlot na te uh kaki sang siam ding uh hi.(Rom 15:2, Titu 3:2,Rom 12:10)

8.Confidentiality-Thukiippih na, Kaki gen siakei ding uh hi.(Paunak 26:28,Titu 3:10)

9.Frequency-Hih munna, Kaki pawl na kathu pi sim ding uhhi.(Hebru 10:25,Sawltak 2:46) 

ii thei sasa himah leh khat veivei mang ngilh kha thei zel ii hih man in ii minam sung ii ki pawlna sung thanemkha thei zel ahih man in khat vei kumthak tawh tha thak lakhawm ding in hih mun pan Jesu min tawh kong zawn uh hi.

David Son Thang

Post a Comment

 
Top