0
February 7/2015

Hih thu pe'n thu kician hinailo hi.Jordan te'n ISIS te' vanlampan akaapgawpna uhpan Kayla Mueller kaplum kha uh cih ISIS te'n maan nakhahkhia uhhi.

Kayla Mueller pe'n Presscott,Arizonna USA mi hi'n,Northern Arizona University pan lukhu nelkai ngah khat ahihi.Kayla pe'n anuntakna midangte phattuamna dingin akipiakhia hi-in,HIV/AIDS Clinic lamah anuntakna kipumpiakdinga akiciamgiat ahihi.2012 kumbeilam pawlin Syria vapai in,2013 August khaciang Syria gam Aleppo ah valut hi.Aleppo pan ISIS te'n naman uha 2014 August kha in,ISIS te'n Kayla inkuanpihte lakah Euro 5 Million tawh tatdingin thu zasak uh a, nongpiakkei uh leh kathatding uhhi ci ci'n navau khin uhhi.

Tuazawh athu leh la bangmah kizanawnlo in,tukalsung Jordan te'n ISIS te' akaapgawp nahangtawh Jordan leh USA aki huattheihna dinga avaihawm uhhiam cih kitheilo, Jordan te hongkaapgawp napan Kayla kaplumkha uhhi ci'n akapsiatgawpna uh leh Kayla sihna mandan ISIS suaksak uhhi.

http://www.dispatch.com/content/stories/national_world/2015/02/06/0206-IS-claim-Jordan-airstrike-kills-female-US-hostage.html

By.World Zomi News Admin Pu Te.

Post a Comment

 
Top