(ZOFA) ZOSUAN HIHNA HANGIN I THUAK HI
BY Pu Lalnginglova Hmar ( Tetea Hmar)
Translated by: Pa Tual Sawm Lian Tulsa OK, USA
Zosuan te A hang tuamtuam tawh Kipum khat theilo, Kithutuak theilo himahleng, Kipumkhat loh i phatmawhna hun ong tungta hi cih, Tutunga i tuahkhak thute in siangtakin ong musak, ongtheisak hi.
Ei i kilemloh, I ki tottot samhangin I gal - Meitei te in eiteng pen minam khat, Unau khat, Sisan kizom ihihna ong tel mahmah lel uh hi. Tunzong ong mudah dan uh kibangin, Ivek in nawngkai ongsakna uh kibang lel hihang. Ei lampan in ki pumkhat ding simloh thudang i neinawn kei hi. Sepkhialh, Bawlkhialh neihman hi hetlo a, Zosuan khat hihna hang bekbek tawh a kithuak kha a hihi.
Zosuante ei sung i kithutuahloh zenzen hangin i galte in i vek in a kibangin ong mu lel uh a hihi. Nam neuneu hihna tawh nawngkai ongsa, Ong bawlsia uh hilo in, Zosuan hihna hangtawh ivek in a lompi in ong bawlsia, Ong gal muh uh a hihi. Tutung ituah khak hamsatna in i ki unauna ong phawk ciansak henla, Ki thutuahna ong khangsak semsem leh i lunggulh mahmah hi.
A ki khenthang khopding zah in i pawlcing nai kei hi. Biakna Pawlpi, Politics Party, Pianna khua leh tui, khuamuh dan tuamtuam,Kamzat kibatlohna hang lel tawh ki tuambawllo ding hihang. Tu a ituahkhak thu pen, Nam neuneu ihihna hangtawh zong hilo in, Zosuan khat ihihna tawh a kithuak hi a, Zosuan hih khak pen bawlsiatna thamcing dingin ong mu uh ahi hi. I sanggam te tuahsiatna pen i laitang na ngaungau hi. Puteek khat a vuakna uh video te, Pasian ibiakna Biakinn kangtum limlaakte leh a thuakkha te lam pan phone tawh ong gen thute hangin Zosuan hihna hang tawh ong bawlsia uh ahihna kilang a, Na kasa mahmah hi.
Hibang buaina te pen hunkhatciangin ong vengkik sam dinga, A hizongin tulaitak, I cihmawh dongtuah hun a, I ki itna, i ki unau na te beikik nawnkei tahen ci-in Pu Lalnginglova Hmar in Manipur buaina tawh kisai ama muhna gelh hi.
Post a Comment