728x90 AdSpace

Latest News

GET UPDATES

Khuahun siatluat manin AirAsia akia hiding ci


Nungdiak in Flight Control Center pan aki muzonawnlo, amangcip AirAsia Flight 8501 pen Java Sea sungah akia nahimawk hi. Atung ah Passenger leh Crew akigawm in mi 162 atuang hi a, hihteng in anuntakna beilawh uhh.

Hih AirAsia vanleng pen Indonesia khuapi nihna ahi Surabaya pan honglengkhia hi a, Singapore manawh in aleng ahihi. Indonesia’s Meteorological Agency te genkhiatna ah khuahun siatluatna hangin Control Center pan ki muzonawnlo a, atuahsia hiding ci uhhi. Ahi zongin akiatna ahangtaktak pen akancian laitak uh ahihi.

Vanleng Pilot tetawh anunungpen aki thuzakna tungtawn in a etcian uhciang in khuahun sialua ahih manin, akia hiding cihpen Meteorological Agency te genkhiatna ahihi. Khuahun votlua in meilompi tawh kitaih kha a, vanleng Engine teng votlua ahih manin asia hiding ci uhhi.

Nungkal Friday ni in hih vanlengsia ii athemneng te Borneo Island pan ki mukik khin a, ahi zongin atuahsia AirAsia ii Black Box pen aki zonsan laitak ahihi.

Indonesia te genna ah hih AirAsia vanleng pen ahun phalloh “unauthorised schedule” in alengkhia ahih manin atuahsia hi ci uhhi. Tua ahih manin tu inzong AirAsia vanleng pen Surabaya leh Singapore alengding kiphalnawnlo a, ki khakcipsak phot hi. ZD Sawltak
  • Blogger Comments
  • Facebook Comments

0 comments:

Post a Comment

Item Reviewed: Khuahun siatluat manin AirAsia akia hiding ci Rating: 5 Reviewed By: Thang Thawn Tuang Guite