Feb 1,2015.
Kawlgam ah tuma kum tulnih kiim pawl a, Pyu mite teenna khuapi thum om a, tua khuapi te pen Pyu khuapite (Pyu cities) kici hi. Pyu khuapite lak ah Hanlen, Bihtanu le Tazikhittaya khuapi thum te pen leitung mipilte in, mun thupi mahmah in ciamteh uh a, UNESCO in zong hih Pyu khuapi te pen "kepcing ding van manpha" (world heritage) in ciamteh hi.
Leitung mipilte in, hih Pyu khuapite pen BC kumzalom nih hun pan AD kumzalom kua hunsung Pyu mite ternna khua hi ding hi, ci in ciamteh uh hi. Zomite in Sengam pan Kachin gam tawn in Kawlgam a lutsuk hun laitak un, Pyu mite Kawlgam ah a om khin dingin ki ummawh hi. Theih ding a kilawm thu khat pen, Pyu mite pen tuhun laitak a Kawlte hi lo uh a, Zomite nungsang ah Kawlte zong Sengam mah pan hong pem suk hi thei kha dingin ki ummawh hi. Tuhun ciangin Kawlgam ah Pyu minam om nawn lo ahih manin, hih Pyu mite pen minam mangthang a suak hi ta uh hi. Amau khuapite ki mu thei lai napi, a pau a lai leh a ngeina te uh kikem nawn lo, ki zangh nawn lo hi. Kawl mangpa Anawratha in Kawlpau le Kawllai nasiatakin puah in kizelsak ahih manin, tuhun ciang in Pyu minam cih om nawn lo hi. Pyu pau le Pyu lai ki zangh anwn lo ahih manin Pyu mite minam mangthang suak ta uh hi.
Tangthu sungah minam khat hong pianna pen puguizui paguizuihna bek hi lo in, pau le ham te a thupi mahmah ahih lam hih Pyu mite tung pan ki phawk thei hi. Bang hang hiam cih leh, tuma kum tulnih lai in Pyu minam om napi tuhun ciangin Pyu minam om nawn lo hi. Pyu te' suan le khakte pen Kawlgam sungah om lai ding hi, ahi zongin Pyu te' pau, Pyu te' lai leh Pyu te' ngeina omnawn lo ahih manin Pyu minam om nawn lo hi.
Tulaitak in "Zomi hi ing" ci-in a khutkhut hangin, Zolai, Zopau, Zongeina te aki kepcing kei leh, Zomite zong Pyu mite bangin minam mangthang a suak ding uh patauhhuai ka sa hi. Zolai Zopau Zongeina a om laiteng, Zomi om ding a, tuate a bei leh Zo minam zong a bei hi ta ding hi. Mogolia kumpipa Ginghis Khan in, 1285 kum in, kawlgam hong sim ahih manin Kawl mangpa' ukna bei hi. Ahi zongin, Kawlte' karmphatna ci ding hiam, Kawllai le Kawlpau pen Kawl phungyi te in hoihtak na kem uh ahih manin, Kawlte minam tuni dongin a kip lai suak hi. Kawllai, Kawlpau om nawn kei leh Kawl minam zong om nawn lo ding hi.
Theihsakna: Hih thu tawh kisai, khialna leh manlohna a om leh nong teihsak kik dingun kong thum hi. Pilna siamna kicing nei nailo ka hih manin, ka zakna leh ka batna ciangciang tawh laigelh ka hi hi. Tua ahih manin kisapna tampi om lai kha ding hi. A thei zaw a siam zaw te in, a hoih zaw a pha zaw dingin 'comment' nong piak ding uh ka lamen hi. Lungdam.
Laigelh:Eng Mang (Zolei Vontawi)
Post by.World Zomi News Admin Pu Te.
Kawlgam ah tuma kum tulnih kiim pawl a, Pyu mite teenna khuapi thum om a, tua khuapi te pen Pyu khuapite (Pyu cities) kici hi. Pyu khuapite lak ah Hanlen, Bihtanu le Tazikhittaya khuapi thum te pen leitung mipilte in, mun thupi mahmah in ciamteh uh a, UNESCO in zong hih Pyu khuapi te pen "kepcing ding van manpha" (world heritage) in ciamteh hi.
Leitung mipilte in, hih Pyu khuapite pen BC kumzalom nih hun pan AD kumzalom kua hunsung Pyu mite ternna khua hi ding hi, ci in ciamteh uh hi. Zomite in Sengam pan Kachin gam tawn in Kawlgam a lutsuk hun laitak un, Pyu mite Kawlgam ah a om khin dingin ki ummawh hi. Theih ding a kilawm thu khat pen, Pyu mite pen tuhun laitak a Kawlte hi lo uh a, Zomite nungsang ah Kawlte zong Sengam mah pan hong pem suk hi thei kha dingin ki ummawh hi. Tuhun ciangin Kawlgam ah Pyu minam om nawn lo ahih manin, hih Pyu mite pen minam mangthang a suak hi ta uh hi. Amau khuapite ki mu thei lai napi, a pau a lai leh a ngeina te uh kikem nawn lo, ki zangh nawn lo hi. Kawl mangpa Anawratha in Kawlpau le Kawllai nasiatakin puah in kizelsak ahih manin, tuhun ciang in Pyu minam cih om nawn lo hi. Pyu pau le Pyu lai ki zangh anwn lo ahih manin Pyu mite minam mangthang suak ta uh hi.
Tangthu sungah minam khat hong pianna pen puguizui paguizuihna bek hi lo in, pau le ham te a thupi mahmah ahih lam hih Pyu mite tung pan ki phawk thei hi. Bang hang hiam cih leh, tuma kum tulnih lai in Pyu minam om napi tuhun ciangin Pyu minam om nawn lo hi. Pyu te' suan le khakte pen Kawlgam sungah om lai ding hi, ahi zongin Pyu te' pau, Pyu te' lai leh Pyu te' ngeina omnawn lo ahih manin Pyu minam om nawn lo hi.
Tulaitak in "Zomi hi ing" ci-in a khutkhut hangin, Zolai, Zopau, Zongeina te aki kepcing kei leh, Zomite zong Pyu mite bangin minam mangthang a suak ding uh patauhhuai ka sa hi. Zolai Zopau Zongeina a om laiteng, Zomi om ding a, tuate a bei leh Zo minam zong a bei hi ta ding hi. Mogolia kumpipa Ginghis Khan in, 1285 kum in, kawlgam hong sim ahih manin Kawl mangpa' ukna bei hi. Ahi zongin, Kawlte' karmphatna ci ding hiam, Kawllai le Kawlpau pen Kawl phungyi te in hoihtak na kem uh ahih manin, Kawlte minam tuni dongin a kip lai suak hi. Kawllai, Kawlpau om nawn kei leh Kawl minam zong om nawn lo ding hi.
Theihsakna: Hih thu tawh kisai, khialna leh manlohna a om leh nong teihsak kik dingun kong thum hi. Pilna siamna kicing nei nailo ka hih manin, ka zakna leh ka batna ciangciang tawh laigelh ka hi hi. Tua ahih manin kisapna tampi om lai kha ding hi. A thei zaw a siam zaw te in, a hoih zaw a pha zaw dingin 'comment' nong piak ding uh ka lamen hi. Lungdam.
Laigelh:Eng Mang (Zolei Vontawi)
Post by.World Zomi News Admin Pu Te.
Post a Comment